Alaksandr Łukašenka prakamientavaŭ siońnia žurnalistam zatrymańnie dyrektaraŭ cukrovych zavodaŭ, pieradaje BiełTA.
U najbližejšyja dni Kamitet dziaržbiaśpieki padrabiazna raskaža pra hetuju spravu, adznačyŭ kiraŭnik krainy.
«Takoha ŭ Biełarusi jašče nie było, — zajaviŭ Alaksandr Łukašenka. — Jany stvaryli ŭ Maskvie «prakładku» — handlovy dom. Pastavili tudy svaich. Z zavodaŭ pa dempinhavych cenach pradavali handlovamu domu biełaruski cukar. Tyja, pavialičyŭšy canu, pradavali na rynku. Roźnicu chabarami addavali dyrektaram zavodaŭ».
Kiraŭnik dziaržavy taksama raspavioŭ, jaki fakt jaho aburyŭ bolš za ŭsio: «Daŭno na kantroli hetaje pytańnie śpiecsłužby viali. Mnie dałažyli, što za biascenak pradavali handlovamu domu hety cukar, a častka pa niejkaj tam pavialičanaj canie viartałasia ŭ Biełaruś. Moža być, cukar navat nie vyvozili ŭ Maskvu i nazad nie zavozili. A dakumienty išli tudy, ich pieraafarmlali i tut prosta z zavodaŭ na naš rynak pastaŭlali hety cukar z maržoj. A potym hetuju maržu dzialili na chabary. Heta što, narmalna?»
«Tam trapilisia i z pahonami ludzi. Skazaŭ: usich pad miatłu ŭ kamieru. Usich. Navat voś samalot, nielha było raniej zatrymać adnaho ź dziejačaŭ. Viarnuć skazaŭ samalot z Zachodniaj Jeŭropy, pasadzić i dastać ich adtul. Viarnuli samalot, dastali i adpravili ŭ śledčy izalatar. Vielmi žorstkaje budzie staŭleńnie da hetaha», — raspavioŭ Alaksandr Łukašenka.
Kamientary