Alaksandr Łukašenka zajaviŭ, što padčas pieramovaŭ z Uładzimiram Pucinym u farmacie sam-nasam udałosia abmierkavać mnohija pytańni. Lidary krain zaraz sustrakajucca ŭ pašyranym farmacie, pieradaje BIEŁTA.
«My sapraŭdy šmat pra što pahavaryli, dajšli da hłybini sivoj minuŭščyny ŭ našym sumiesnym žyćci ŭ adnoj dziaržavie, abmierkavali šmat histaryčnych dat i momantaŭ (jany viadomyja). I abmierkavali nie tolki tyja pytańni, jak Uładzimir Uładzimiravič skazaŭ, što ŭjaŭlajuć uzajemnuju cikavaść, ale i jakija tyčacca i mnohich našych susiedziaŭ, byłych krain Savieckaha Sajuza, toj palityki, jakaja ciapier pravodzicca nami, imi. Pra mnohaje pahavaryli, dajšli da sučasnaści i vyrašyli ŭžo nie adzin na adzin, a z tymi, chto uklučany ŭ hety praces, praciahnuć našu razmovu», — adznačyŭ Łukašenka.
Pavodle jaho słoŭ, potym lidary krain zrobiać paŭzu i praciahnuć pieramovy ŭ pašyranym składzie paśla prybyćcia astatnich členaŭ rasijskaj delehacyi. «U nas u prahramie jość i inšyja pytańni. Kali pryjeduć členy rasijskaj delehacyi siudy (nieba nibyta ŭžo prajaśniłasia), tady my i praciahniem našu hutarku. A naohuł jość pra što havaryć, jość nad čym pracavać», — reziumavaŭ biełaruski lidar.
Kamientary