Jak paviedamiła pres-słužba prezidenta Ukrainy, Zialenski paprasiŭ pantyfika sadziejničać u viartańni ukraincaŭ, jakich utrymlivajuć na terytoryi sieparatysckich rehijonaŭ Danbasa i ŭ anieksavanym Krymie, a taksama ŭ Rasii. Da subotniaj sustrečy papa Francišak nieadnarazova vykazvaŭsia na temu miru va Ukrainie i maliŭsia ab spynieńni vajny. Taksama jon u minułym hodzie sustrakaŭsia (užo druhi raz za apošnija hady) z prezidentam Rasiei Uładzimiram Pucinym, pieradaje Radyjo Svaboda.
Zialenski padziakavaŭ papu Francišku za dabračynnuju akcyju, u ramkach jakoj ukrainskim uciekačam z Danbasa było vydzielena kala 16 miljonaŭ jeŭra. Ź ich 11 miljonaŭ sabrali ŭ katalickich chramach Jeŭropy, a jašče 5 miljonaŭ papa vyłučyŭ sa specyjalnych fondaŭ. Dapamohu atrymali kala 500 tysiač ukraincaŭ.
Taksama Zialenski zaprasiŭ papu zrabić vizit va Ukrainu, padkreśliŭšy, što, «dla taho, kab da kanca zrazumieć, što adbyvajecca ŭ nas na ŭschodzie, treba jechać na ŭschod». Pakul nie jasna, ci pryniaŭ papa zaprašeńnie i kali možna čakać vizitu. Adnak, pavodle krynic tielekanała «Nastojaŝieje vriemia», vizit mohuć zapłanavać užo na nastupny hod, prymierkavaŭšy jaho da 20-hodździa vizitu va Ukrainu papy Jana Paŭła II.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy5
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary