Narešcie adna z krain pryniała łajnier «Viesterdam», jaki samotna płavaŭ u Cichim akijanie z padazreńniem na karanavirus
Kruizny łajnier «Viesterdam», jaki raniej admovilisia pryniać piać krain, prybyŭ u Kambodžu. Pra heta paviedamlaje Reuters.
Pasažyry i členy ekipaža pakul nie vysadzilisia na bierah: ułady Kambodžy praviarajuć ich na karanavirus. Kali na borcie «Viesterdama» nie znojduć zaražanych, pasažyry pačnuć pakidać łajnier 14 lutaha.
Kiraŭnik Suśvietnaj arhanizacyi achovy zdaroŭja Tedras Adchanom Hiebrejesus pachvaliŭ ułady Kambodžy za pryjom «Viesterdama». «Heta prykład mižnarodnaj salidarnaści, da jakoj my ŭvieś čas zaklikajem», — zajaviŭ jon.
Na borcie «Viesterdama» znachodziacca 1455 pasažyraŭ i 802 čalcy ekipažu. Łajnier pravioŭ u mory dva tydni, pakolki jaho admovilisia ŭpuścić u svaje party Japonija, Huam, Filipiny, Tajłand i Tajvań. Łajnier nie puskali z bojazi, što jaho pasažyry abo členy ekipaža mohuć być zaražanyja karanavirusam. Apieratar łajniera — kampanija Holland America Line — śćviardžaŭ, što ludzi na borcie rehularna praviaralisia padčas padarožža, i ni ŭ kaho ź ich nie byŭ znojdzieny virus.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli7
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2424
Kamientary