U Siryi zahinuli 33 tureckija vajskoŭcy. Turcyja adkryła ahoń u adkaz
U vyniku avijaŭdaru ŭ siryjskaj pravincyi Idlib zahinuli pa mienšaj miery 33 vajskoŭcy Turcyi, piša bbc.com.
Ułady Siryi situacyju nie kamientujuć.
U adkaz na ŭdar u Idlibie tureckija vojski — jak avijacyja, tak i naziemnyja siły — adkryli ahoń «pa ŭsich viadomych» celach siryjskaha režymu.
Paśla taho jak stała viadoma pra vajennyja straty ŭ Siryi, prezident Turcyi Redžep Taip Erdahan pravioŭ ekstrannuju naradu pa pytańniach biaśpieki. Jana praciahvałasia kala šaści hadzin.
Idlib — adziny rehijon Siryi, jaki zastajecca pad kantrolem apazicyi; tam znachodziacca kala 3,5 młn biežancaŭ ź inšych rehijonaŭ Siryi, jakija nie chočuć žyć pad uładaj režymu ŭ Damasku.
Ankara akazvaje vajennuju padtrymku siryjskaj apazicyi, u toj čas jak Rasija aktyŭna padtrymlivaje ŭradavyja siły. U Siryi raźmieščany rasijski vajenny kantynhient, samaloty VKS Rasii ździajśniajuć bajavyja vylety, dapamahajučy siryjskaj avijacyi.
Kamientary