Rasijskija rytejlery abvierhli zvarot da Łukašenki praz «deficyt»
Pradstaŭniki rasijskich roźničnych sietak nie źviartalisia da Alaksandra Łukašenki z prośbaj ab pastaŭkach praduktaŭ charčavańnia z-za «deficytu». Pra heta havorycca ŭ zajavie AKORT, jakaja abjadnoŭvaje 24 najbujniejšyja roźničnyja handlovyja sietki, što pracujuć na terytoryi Rasii, piša RBK.
«Rasijskija handlovyja sietki nie nakiroŭvali padobnych zvarotaŭ i nie adčuvajuć deficytu pradukcyi», — havorycca ŭ paviedamleńni. Udakładniajecca, što ŭ rytejleraŭ jość zapasy na składach, u raźmierkavalnych centrach i kramach, jakija zmohuć zadavolić popyt «u lubym abjomie».
Zakupki ź Biełarusi iduć u zvyčajnym režymie, adznačyli ŭ AKORT.
Napiaredadni Łukašenka zajaviŭ, što atrymaŭ zvarot rasijskich rytejleraŭ z prośbaj ab pastaŭkach u suviazi z deficytam z-za mier pa baraćbie z raspaŭsiudžvańniem karanavirusa.
Kamientary