Kamanda BNR100, jakaja ad 2018 hoda biare na siabie inicyjatyvu arhanizacyi śviatkavańnia Dnia Voli, uličyła niaprostuju situacyju, źviazanuju z nastupam karanavirusa pa ŭsim śviecie, i zaprašaje zaŭtra, 25 sakavika, a 18 dałučycca da anłajn-śviata «Hodny Dzień Voli» z dapamohaj vašych telefonaŭ, kampjutaraŭ i televizaraŭ. Tranślacyja pačniecca a 18.00 na sajcie Hodna.by i va ŭsich sacyjalnych sietkach prajekta.
Jak samastojna adśviatkavać Dzień Voli? Jość paračka idej ad arhanizataraŭ:
- raźmiaścić nacyjanalnyja simvały Biełarusi na svaim bałkonie, u aŭto, aknie kvatery ci dvary doma,
- pavinšavać z Dniom Voli siabroŭ, rodnych i znajomych u sacyjalnych sietkach, na pracy ci ŭ navučalnaj ustanovie,
- uviečary 25 sakavika a 21:00 zapuścić śviatočny fiejervierk
- arhanizavać samastojnaje adznačeńnie Dnia Voli ŭ siamiejnaj ci siabroŭskaj kampanii (a anłajn-tranślacyja dadaść vašamu śviatkavańniu adčuvańnie suviazi z usimi biełarusami, jakija padtrymajuć hety płan, abiacajuć arhanizatary).
Taksama arhanizatary śviatkavańnia zaklikajuć padtrymać ich materyjalna, bo navat dla anłajn-tranślacyi patrebna i pamiaškańnie, i aparatura — heta ŭsio kaštuje hrošaj.
Kamientary