U sieradu projduć zaklučnyja čverćfinalnyja hulni futbolnaj Lihi čempijonaŭ.
U Portu na stadyjonie «Drahaŭ» «Portu» prymie letašniaha ŭładalnika najhałoŭnaha trafieju Jeŭropy «Mančestar Junajted».
Hety matč pakaža ŭ žyvym efiry telekanał BT. Pačatak tranślacyi ŭ 21:35.
Tydzień tamu na «Ołd Trafard» partuhalcy zdoleli pry kancy matču zraŭniać lik — 2:2, i ciapier dla vychadu ŭ nastupny etap im dastatkova zhulać uničyju 0:0, ci 1:1.
MIU treba abo pieramahać, abo zhulać uničyju z bujnym likam — 3:3 i h.d. Praŭda, «reds» šče ni razu nie pieramahali ŭ Partuhalii. Jak prajhrali ŭviesnu 2004 h., a «Portu» potym staŭ pieramožcam Lihi čempijonaŭ.
Adnak učorašni matč na «Stemfard Brydž» dakazaŭ, što ŭsio mahčyma.
Na «Emirejts» (Ešbiertan Hroŭv) siońnia «Arsienał» prymaje «Viljareał». Pieršy matč u Ispanii skončyŭsia ź likam 1:1.
Pieramožcy siońniašnich duelaŭ utvorać paŭfinalnuju paru, paŭfinał projdzie 28-29 krasavika - 5-6 maja.
Finał sioleta projdzie ŭ Rymie 27 maja.
***
Cikava, što, kali ŭ paŭfinał vyjduć MIU i «Arsienał», to na hetym supraćstajańnie hetym kamand u siezonie nie skončycca.
16 maja jany zhulajuć pamiž saboj u pieradapošnim tury čempijanata Anhlii, a taksama tearetyčna mohuć zhulać u finale Kubka Anhlii (30 maja): 18-19 krasavika projduć paŭfinały KA: «Arsienał» - «Čełsi», MIU - «Evierton».
Kali ŭ paŭfinał vyjduć «Portu» i «Arsienał», to, zaznačym, što hetyja kamandy hulali miž saboj u hrupavym turniry. «Arsienał» u Łondanie vyjhraŭ 4:0, a na «Drahaŭ» prajhraŭ 0:2.
MIU i «Viljareał» - dźvie lubimyja kamandy hałoŭnaha treniera BATE Viktara Hančarenki - taksama sioleta dvojčy hulali miž saboj u hrupavym turniry - 0:0, 0:0. Naohuł jany čatyry razy hulali miž saboj i nie zabili nivodnaha miača.
Paŭsiul intryha.
***
Dva paŭfinalisty vyznačylisia ŭčora. U pieršym paŭfinale zhulajuć «Barsiełona» i «Čełsi».
Kamientary