Ale što za matč byŭ siońnia «Čełsi» - «Livierpul»! Vosiem zabitych miačoŭ. «Livierpul» biŭsia da apošniaj siekundy.
U aŭtorak prajšli paŭtornyja čverćfinalnyja matčy futbolnaj Lihi čempijonaŭ.
«Livierpul» ledź nie paŭtaryŭ podźvih finału Stambuła-2005.
Tady. U finale paśla pieršaha tajmu kamanda prajhravała «Miłanu» – 0:3, zabiła ŭ druhim tajmie try miačy, a finalnuju kropku pastaviła ŭ sieryi pienalci, vyjhraŭšy tym samym Lihu.
Ciapier. Tydzień tamu «Livierpul» byŭ bity na svaim stadyjonie «Čełsi» – 1:3. Kab vyjści ŭ nastupny etap treba było vyjhrać z roźnicaj u try (ci dva, naprykład ź likam 5:3, miačy).
I pieršy tajm byŭ za miersisajdami – 2:0.
Vyznačylisia Fabijo Aŭrelijo i ź pienalci Chabi Ałonsa.
Ale ŭ pačatku druhoha tajma prapuścili ažno dva.
Na 49-j chvilinie miač va ŭłasnyja varoty zanios hałkipier Chase (Piepie) Rejna, potym hišpaniec padčas štrafnoha zbudavaŭ dziravy płot sa svaich hulcoŭ – i lik zraŭniaŭ Aleks. 2:2.
Na 76-j chvilinie Frenk Łempard vyvieŭ «Čełsi» napierad 3:2, ahulny lik staŭ 6:3. I što?
Livierpul pajšoŭ napierad i ciaham dvuch chvilin zabiŭ dva miačy (Łukas Lejva, Dzirk Kiujt) - 4:3.
Ale Łempard pastaviŭ na 89-j chvilinie tłustuju kropku –
4:4 (ahulny lik 7:5), i ŭ nastupny raŭnd idzie «Čełsi».
***
Darečy, hod tamu hetyja kamandy hulali ŭ paŭfinale, u Maskvu na finał pajechaŭ «Čełsi».
***
«Barsiełona» ŭ Miunchienie zhulała ŭničyju z «Bavaryjaj» - 1:1 (pieršy matč «Barsa» vyjhrała, nahadajem, 4:0.) Alaksandr Hleb vyjšaŭ na 78-j chvilinie.
Nas čakaje supierpaŭfinał «Barsiełona» - «Čełsi». Pieršy matč - 28 krasavika, matč u adkaz – 6 maja.
***
U sieradu zhulajuć «Portu» – «Mančestar Junajted» (pieršy matč – 2:2)
i «Arsienał» – «Viljareał» (pieršy matč 1:1).
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary