Piatkievič raspaviała, što budzie ź vidami sportu, jakija nie dajuć vyniku
U Nacyjanalnym alimpijskim kamitecie prajšła narada, pryśviečanaja ŭkaze «Ab akazańni dziaržpadtrymki spartyŭnym kłubam». Namieśnica kiraŭnika Administracyi prezidenta Natalla Piatkievič u svaim vystupie adznačyła: kali kankretny vid sportu nie budzie prynosić vynik, u budučyni jaho buduć finansavać na ŭzroŭni DIUSŠ, piša Onliner.by.
«Ja dumaju, što nam usio-taki treba padychodzić, jak by heta ni było składana, da temy pierahladu nacyjanalnych zbornych. U nas skłałasia situacyja pa nie vielmi vialikaj kolkaści zbornych, jakija źjaŭlajucca nacyjanalnymi, dzie my ŭstojliva nie pakazvajem i nie možam pakazać vynik. My ščyra heta prymajem i pryznajom. Pakazčyk pavinien być adzin: jość źmiena ci niama źmieny.
Kali niama vynikaŭ i ŭvohule niama nijakaj nadziei, što kali-niebudź jany buduć, i niama źmieny, jakaja pryjdzie, značyć, hety vid sportu budziem maksimum finansavać na ŭzroŭni DIUSŠ. Usio, što źviazana sa sportam vysokich dasiahnieńniaŭ, — hetuju temu treba zakančvać i pieraraźmiarkoŭvać hetyja hrošy na tyja vidy sportu, jakija mohuć pakazać vynik. 30-je, 35-je, 40‑ie miesca — moža, heta i dobra, ale kali heta pastajanna i biez usialakaj nadziei…
Kraina kampaktnaja, nie ŭsie vidy sportu my možam achapić, i, napeŭna, hetaj humanitarnaj dziejnaściu treba pierastać zajmacca. Ja nie hatova skazać, kaho heta zakranie, ale ja adrazu kažu, što hetaje pytańnie my budziem abmiarkoŭvać», — skazała Natalla Piatkievič.
Jana taksama padkreśliła, što pytańni pradastaŭleńnia dziaržaŭnaj padtrymki i pradaŭžeńnia stypiendyj buduć pierahladacca z ulikam taho, nakolki atrymalniki vykonvajuć uziatyja na siabie abaviazki.
— Pa miescach, pa zavajavanych miedalach, dzie jany buduć płanavany, pa adpaviednych vynikach vystupleńnia. Tamu što biarucca abaviazki vialikija, niešta abiacajecca, ale potym jak u aniekdocie: prabačcie, nie zmahła.
Tamu ŭsio-taki my pavinny na starcie być ščyrymi pamiž saboj, brać abaviazki, jakija realna možam vykanać, i nieści za ich adkaznaść, uklučajučy finansavuju ŭ abjomie akazanaj dziaržaŭnaj padtrymki, vydačy stypiendyj i hetak dalej, — skazała Natalla Piatkievič.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu4848
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu48
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3636
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było36
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary