Sud admoviŭsia razhladać spravu zatrymanaj u Kijevie biełaruskaj žurnalistki Kardaš
Padrychtoŭčaje pasiadžeńnie suda ŭ spravie Iny Kardaš adbyłosia, ale status abvinavaŭčaha akta nie vyznačyli.
Jak stała viadoma Radyjo Svaboda, padrychtoŭčaje pasiadžeńnie suda, na jakim pavinny byli razhledzieć abvinavaŭčy akt na adpaviednaść ukrainskamu zakanadaŭstvu, adbyłosia 18 červienia, adnak sudździa, jaki atrymaŭ spravu šlacham aŭtamatyčnaha raźmierkavańnia, nie zmoh pačać praces.
Jak vyśvietliłasia, u spravie Iny Kardaš šmat materyjałaŭ, paznačanych hryfam «tajemna» i nie rassakrečanych u vyznačanym zakanadaŭstvam paradku.
Sudździa, jaki atrymaŭ spravu, nie maje adpaviednaha dostupu da takich materyjałaŭ i źviarnuŭsia da svajho kiraŭnika z prośbaj pryznačyć inšaha sudździu abo skład suda, jakija taki dostup majuć.
U toj ža čas sud padtrymaŭ chadajnictva prakuratury ab pradaŭžeńni ŭtrymańnia Iny Kardaš u Kijeŭskim śledčym izalatary da 16 žniŭnia 2026 hoda. Jaje advakatka nastojvała, kab jaje vyzvalili pad kruhłasutačny chatni aryšt, ale sud nie pabačyŭ dla hetaha padstaŭ.
Što papiaredničała
Inu Kardaš zatrymali sioleta 21 studzienia i vystavili joj padazreńni ŭ špijanažy na karyść KDB.
Na momant zatrymańnia Ina Kardaš užo pracavała ŭ Kaardynacyjnym štabie ŭ pytańniach abychodžańnia z vajennapałonnymi HUR Ukrainy. Pavodle śledstva, jana kantaktavała z KDB praz hramadzianina Biełarusi, jaki «ŭśviadomlena dla jaje ažyćciaŭlaŭ kanfidencyjnuju supracu sa śpiecsłužbami Biełarusi».
20 krasavika stała viadoma, što sud aryštavaŭ kvateru Iny Kardaš, kab zabiaśpiečyć viadzieńnie kryminalnaj spravy.
Zhodna z praceduraj, vyznačanaj Kryminalnym pracesualnym kodeksam Ukrainy, na papiarednim etapie, to bok u vyniku razhladu abvinavaŭčaha akta, kali jość padstavy, sudździa moža navat zakryć spravu. Kali abvinavaŭčy akt budzie adpaviadać zakonnym patrabavańniam, sud pavinien pryznačyć datu pačatku razhladu.
Kvalifikacyju złačynstva, učynienaha Inaj Kardaš, nie źmianili — Inu Kardaš abvinavačvajuć pavodle č. 1 art. 114 Kryminalnaha kodeksa Ukrainy (pieradača abo zbor inšaziemcam z metaj pieradačy zamiežnaj dziaržavie, zamiežnaj arhanizacyi abo ich pradstaŭnikam źviestak, jakija źjaŭlajucca dziaržaŭnaj tajamnicaj). Joj pahražaje pazbaŭleńnie voli na termin ad 10 da 15 hadoŭ z kanfiskacyjaj majomaści abo bieź jaje.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu4848
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu48
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3636
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było36
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary