Fiermiery, u jakich letaś daščentu zhareła fierma z karovami, nie mohuć pabudavać novuju praz supraciŭ susieda
U ahraharadku Łašany Minskaha rajona ŭžo niekalki hadoŭ praciahvajecca kanflikt pamiž siamjoj fiermieraŭ Siańko i ich susiedam. Paśla pažaru, jaki letaś u vieraśni źniščyŭ haspadarčyja pabudovy i statak, sprečka nie tolki nie spyniłasia, ale i nabyła novaje raźvićcio, piša vydańnie pristalica.by.
Pavodle słoŭ Taćciany i Fiodara Siańko, u 2019 hodzie Minski rajvykankam vydzieliŭ im ziamlu dla viadzieńnia fiermierskaj haspadarki. Pastupova haspadarka raźvivałasia: siamja trymała kala 300 aviečak i 15 karoŭ.
Fiermiery śćviardžajuć, što prablemy pačalisia paśla taho, jak u 2022 hodzie pobač pasialiŭsia novy susied. Pavodle ich słoŭ, paśla jaho šmatlikich zvarotaŭ da ich stali rehularna naviedvacca roznyja kantrolnyja słužby.
Siamja zapeŭnivaje, što ŭsie pravierki nie zaśviedčyli surjoznych parušeńniaŭ. Sami ž jany išli nasustrač — pa prośbie susieda nibyta navat admovilisia ad raźviadzieńnia aviečak, pakinuŭšy tolki karoŭ i kurej, adnak skarhi praciahnulisia.
Paśla pažaru Siańko pačali rychtavacca da budaŭnictva novych pamiaškańniaŭ dla zachoŭvańnia siena i ŭtrymańnia žyvioły.
Pavodle ich słoŭ, jak tolki byli zakuplenyja budaŭničyja materyjały, susied adrazu źviarnuŭsia ŭ adpaviednyja orhany sa skarhaj, choć prajekt jašče nie byŭ zaćvierdžany. Ciapier siamja čakaje dazvołu na ŭźviadzieńnie časovaha zbudavańnia dla zachoŭvańnia siena i ličyć, što razhlad dakumientaŭ zaciahvajecca praz pastajannyja skarhi.
Fiermiery havorać, što kryminalnaja sprava pa fakcie pažaru ŭsio jašče rasśledujecca. Jany adznačajuć, što padazravanyja pakul nie ŭstanoŭlenyja. Pavodle ich słoŭ, susied razhladaŭsia jak adzin z mahčymych padazravanych, ale sabranyja materyjały nie paćvierdzili jaho datyčnaści. Rasśledavańnie hetaj spravy pakul nie zavieršana i śledčyja dziejańni praciahvajucca.
Sam ža susied, jakoha zavuć Anton, śćviardžaje, što nie vystupaje suprać fiermierskaj dziejnaści jak takoj. Adnak jon ličyć, što haspadarčyja pabudovy nie pavinny raźmiaščacca ŭ miežach žyłoj zabudovy. Pavodle jaho słoŭ, asnoŭnymi prablemami stali niepryjemny pach, vialikaja kolkaść much i vypas žyvioły pablizu žyłych damoŭ.
Mužčyna zajaŭlaje, što nieadnarazova prapanoŭvaŭ pieranieści karoŭniki dalej ad žyłych učastkaŭ. Jon taksama śćviardžaje, što pravierki sapraŭdy vyjaŭlali parušeńni, źviazanyja z raźmiaščeńniem haspadarčych pabudoŭ bieź nieabchodnych uzhadnieńniaŭ i sanitarnych adlehłaściaŭ.
Svaju datyčnaść da pažaru Anton kateharyčna admaŭlaje. Jon śćviardžaje, što ŭ noč zdareńnia znachodziŭsia doma, a sistema videanazirańnia moža paćvierdzić jaho alibi. Pavodle jaho słoŭ, zvaroty ŭ prakuraturu, sanitarnyja słužby i milicyju byli vyklikany vyklučna žadańniem abaranić svaje pravy.
Situacyja ciapier znachodzicca na kantroli Minskaha rajvykankama. Staršynia rajvykankama Dzianis Kalasień asabista naviedaŭ miesca kanfliktu i sustreŭsia z usimi bakami. Pavodle jaho słoŭ, hałoŭnaja zadača ciapier — znajści rašeńnie, jakoje budzie adpaviadać zakanadaŭstvu i zadavolić jak fiermieraŭ, tak i ich susieda.
Cikava, što, jak śćviardžaje čynoŭnik, susied Anton navat vykazaŭ hatoŭnaść finansava dapamahčy ŭ budaŭnictvie novaj fiermy, ale pry ŭmovie, što jana budzie raźmieščana dalej ad žyłych damoŭ.
Ciapier śpiecyjalisty vyvučajuć mahčymyja varyjanty raźmiaščeńnia novych haspadarčych pabudoŭ. Siamja Siańko čakaje nieabchodnych dazvołaŭ, susied spadziajecca na palapšeńnie ŭmoŭ žyćcia, a śledčyja praciahvajuć pracu nad raskryćciom abstavin pažaru.
«Za noč my stracili ŭsio». Trahiedyja źniščyła 17 hadoŭ pracy fiermieraŭ — zhareli karovy ź cialatami
Jak uładkavany kłubničny biznes, chto najbolš na jahadach zarablaje i čamu ich časam vykidajuć
«Lepš vykinuć, čym addać?» Fiermier pakazaŭ, jak vykidaje kłubnicy, i vyklikaŭ abureńnie
Biełarus vyvieŭ na svajoj ekafiermie aŭstralijskich rakaŭ
U Biełarusi źbirajucca źmianić umovy pracy fiermieraŭ
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
i oni libo sobludieny,libo narušieny.
to lesapiłku na dvary zładziać, to remzonu, to sto śviniej zaviaduć.
dziakuj bohu ŭžo heta nie ličycca ŭłasnaj spravaj.