Але што за матч быў сёння «Чэлсі» - «Ліверпуль»! Восем забітых мячоў. «Ліверпуль» біўся да апошняй секунды.
У аўторак прайшлі паўторныя чвэрцьфінальныя матчы футбольнай Лігі чэмпіёнаў.
«Ліверпуль» ледзь не паўтарыў подзвіг фіналу Стамбула-2005.
Тады. У фінале пасля першага тайму каманда прайгравала «Мілану» – 0:3, забіла ў другім тайме тры мячы, а фінальную кропку паставіла ў серыі пенальці, выйграўшы тым самым Лігу.
Цяпер. Тыдзень таму «Ліверпуль» быў біты на сваім стадыёне «Чэлсі» – 1:3. Каб выйсці ў наступны этап трэба было выйграць з розніцай у тры (ці два, напрыклад з лікам 5:3, мячы).
І першы тайм быў за мерсісайдамі – 2:0.
Вызначыліся Фабіё Аўрэліё і з пенальці Хабі Алонса.
Але ў пачатку другога тайма прапусцілі ажно два.
На 49-й хвіліне мяч ва ўласныя вароты занёс галкіпер Хасэ (Пепе) Рэйна, потым гішпанец падчас штрафнога збудаваў дзіравы плот са сваіх гульцоў – і лік зраўняў Алекс. 2:2.
На 76-й хвіліне Фрэнк Лэмпард вывеў «Чэлсі» наперад 3:2, агульны лік стаў 6:3. І што?
Ліверпуль пайшоў наперад і цягам двух хвілін забіў два мячы (Лукас Лейва, Дзірк Кюйт) - 4:3.
Але Лэмпард паставіў на 89-й хвіліне тлустую кропку –
4:4 (агульны лік 7:5), і ў наступны раўнд ідзе «Чэлсі».
***
Дарэчы, год таму гэтыя каманды гулялі ў паўфінале, у Маскву на фінал паехаў «Чэлсі».
***
«Барселона» ў Мюнхене згуляла ўнічыю з «Баварыяй» - 1:1 (першы матч «Барса» выйграла, нагадаем, 4:0.) Аляксандр Глеб выйшаў на 78-й хвіліне.
Нас чакае суперпаўфінал «Барселона» - «Чэлсі». Першы матч - 28 красавіка, матч у адказ – 6 мая.
***
У сераду згуляюць «Порту» – «Манчэстар Юнайтэд» (першы матч – 2:2)
і «Арсенал» – «Вільярэал» (першы матч 1:1).
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень9
Каментары