У вежы «Газпрама», якая будуецца ў Мінску, заўважылі ўжо гатовы офіс. Што гэта і навошта — незразумела
Блогер Дзяніс Блішч апублікаваў у сваім тэлеграм-канале фота ад падпісчыка, на якім выяўленыя асветленыя вокны на адным з паверхаў пакуль што не дабудаванай вежы «Газпрама» ў Мінску. Пры гэтым за вокнамі бачны «цэлы гатовы офіс з мэбляй і нават раслінай у кадцы».
Пры гэтым Дзяніс Блішч за дзень да таго сам чытаў у Threads, што за тымі самімі вокнамі бачылі таксама людзей у дзелавых гарнітурах.
«Гэта, вядома, не гатовая працоўная прастора, а адмыслова створаны для нейкіх здымак інтэр'ер. Магчыма, рэкламных, магчыма, для патрэб самога дэвелапера», — робіць уласнае дапушчэнне, што гэта магло б быць, блогер.
Пасля ён апублікаваў яшчэ два фота ад падпісчыка, зробленых ужо з іншага боку, у самім гэтым офісе.
«Той, хто даслаў, не ведае яго прызначэння, але кажа, што ніякіх камунікацый у будынку няма, а святло на мінулых здымках арганізавана часовым рашэннем», — тлумачыць Блішч.
Цяпер чытаюць
Свецкае жыццё Дар’і Шманай: дні нараджэння дзяцей Кіркорава і Comedy Club8
Каментары
А яшчэ яму змагары перашкаджаюць жыць неяк.
(знаю что окна не откр-ся, это детали)