Ministr suviazi: Nielehalnych łakalnych kampjuternych sietak u Biełarusi być nie pavinna
Nielehalnych łakalnych kampjuternych sietak u Biełarusi być nie pavinna. Takoje mierkavańnie vykazaŭ ministr suviazi i infarmatyzacyi Mikałaj Pancialej 16 krasavika na pres‑kanfierencyi ŭ Minsku.
Adkazvajučy na pytańnie pra isnavańnie hetak zvanych damašnich kampjuternych sietak, ministr zajaviŭ:
«Uładalniki hetych sietak zajmajucca nielicenzijnaj dziejnaściu, i heta źjaŭlajecca faktam. Ja dumaju, što takaja źjava nie pavinna mieć miesca ŭ nas u krainie».
U Biełarusi, praciahnuŭ Pancialej, jość mahčymaść raspracavać dakumientacyju i aficyjna pabudavać sietki, atrymać licenzii i zakonna zajmacca kamiercyjnaj dziejnaściu.
«Dziejnaść, što viadziecca z parušeńniem zakanadaŭstva, naturalna, pavinna być spyniena adpaviednymi sankcyjami z boku orhanaŭ, jakija viaduć kantrol za vykanańniem zakanadaŭstva ŭ halinie pradprymalnickaj dziejnaści», — padkreśliŭ ministr.
Kamientary