Dyrektar IT-kampanii napisaŭ žorstki list kiraŭniku PVT Jančeŭskamu. «Kali tak, budzie hrupavy vychad»
Mikałaj Murziankoŭ, dyrektar IT-kampanii Iomico, rezidenta Parka vysokich technałohij, u rezkaj formie adkazaŭ na patrabavańnie administracyi PVT zabaranić supracoŭnikam udzielničać u akcyjach pratestu.
«Pryčyna majho videa — pazicyja Jančeŭskaha i PVT pa zapałochvańni rezidentaŭ, — raskazaŭ «Našaj Nivie» Murziankoŭ. — Adkazu pakul ni ad Jančeŭskaha, ni ad PVT nie było, choć ja i sam im telefanavaŭ, kab pahavaryć asabista pra maju pazicyju i niedapuščeńnie cisku i pahroz».
Mikałaj raskazvaje, što paśla videazvarotu jaho telefon litaralna vybuchnuŭ ad paviedamleńniaŭ kaleh. Siarod ich byli kiraŭniki kampanij i top-mieniedžary biełaruskich i zamiežnych IT-kampanij.
«Ludzi pierastajuć bajacca, kali chtości idzie pieršym. Mnie paviedamlajuć, što niekatoryja rychtujuć svaje zvaroty, až da hrupavoha vychadu z PVT».
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju9
Kamientary