Vystava viadomaha biełaruskaha fatohrafa pad nazvaj «Sumnaja pryhažość» pryśviečana čarhovym uhodkam čarnobylskaj trahiedyi.
U subotu 9 traŭnia ŭ 14:00 ŭ Łondanie adbudziecca vystava viadomaha biełaruskaha fatohrafa Dzianisa Ramaniuka. Vystava pad nazvaj «Sumnaja pryhažość» pryśviečana čarhovym uhodkam čarnobylskaj trahiedyi. Fotazdymki, što buduć pakazany, byli zrobleny niadaŭna ŭ zabaronienaj zonie.
Prezientacyja pačniecca ŭ 14:30 va Ukrainskim instytucie (Ukrainian Institute, 79 Holland Park, London W11 3SW), ale fotazdymki možna budzie hladzieć užo pačynajučy z 14:00. Prezientacyja budzie vieścisia na biełaruskaj movie ź pierakładam na anhlijskuju. A 16-j Viera Ryč ź siabrami prezientujuć svoj multymiedyjny pierformans «Wormwood Star» («Zorka pałyn»). Hety pierformans byŭ zrobleny admysłova da dvaccacihodździa čarnobylskaj katastrofy ŭ 2006 hodzie. Zatym da 17:30 budzie mahčymaść zadać pytańni i razhledzieć fotazdymki. Padčas mieraprymstva buduć padavacca napoi i lohkija zakuski. Prośba pakidać unioski u pamiery 5 funtaŭ dziela kampiensacyi raschodaŭ.
Jak dabracca:
Padziemkaj: stancyja Holland Park (Central Line) abo stancyja Notting Hill Gate (Central, Circle and District lines);
Aŭtobusami 31, 94, 148, 228
Kamientary