MUS: Pa vynikach pratestaŭ u Minsku zaviali 3 tysiačy administracyjnych, 250 kryminalnych spraŭ
U Minsku za ŭvieś pieryjad pratestnych paślavybarčych akcyj da administracyjnaj adkaznaści pryciahnuli kala 3 tysiač čałaviek, 275 čałaviek majuć dačynieńnie da ździajśnieńnia złačynstvaŭ. Pra heta zajaviŭ prakuror horada Minska Aleh Łaŭruchin u efiry prahramy «Tydzień» na telekanale STB.
Pradstaŭnik prakuratury nahadaŭ, što art. 23.34 — heta parušeńnie paradku arhanizacyi abo praviadzieńnia masavych mierapryjemstvaŭ.
Jon dadaŭ, što prapracoŭvajecca mahčymaść uzmacnieńnia žorstkaści sankcyj pa ŭkazanym artykule, «kab minimizavać ryzyki vychadu ludziej na niezakonnyja masavyja mierapryjemstvy».
«Na siońnia tolki pa Minsku da administracyjnaj adkaznaści za ŭvieś hety pieryjad pryciahnuta kala 3 tysiač čałaviek. Ź ich dzieści 2/3, jak praviła, atrymali pakarańni ŭ vyhladzie aryštu. Astatnija — bolš za 1 tysiaču — administracyjnyja štrafy pa art. 23.34».
Kamientary