BT: Navahodniaje vinšavańnie Łukašenki hladzieli 6,5 miljona biełarusaŭ. Plus hości, plus tyja, chto hladzieŭ paśla
Biełteleradyjokampanija zajaŭlaje, što navahodniuju pramovu Alaksandra Łukašenki pahladzieli bolš za 6,5 miljona biełarusaŭ.
Hetyja ličby nibyta byli atrymanyja ad płatformy «Zała» i ad kampanii «Realnaje vymiareńnie».
Pryčym teleprapahandysty nastojvajuć, što nasamreč ličby jašče bolšyja, bo, maŭlaŭ, nie ŭličvajucca tyja, chto słuchaŭ Łukašenki ŭ haściach, i tyja, chto hladzieŭ zvarot užo paźniej:
«Da hetaj ličby varta dadać tych, chto pahladzieŭ zvarot užo paźniej — u režymie adkładzienaha prahladu. Varta adznačyć, što abiedźvie vykarystanyja sistemy zboru źviestak nie fiksujuć haściavy prahlad. A z ulikam asablivaściaŭ navahodnich tradycyj hety faktar zdolny akazvać istotny ŭpłyŭ na realnyja pakazčyki telehladzieńnia ŭ bok jaho pavieličeńnia», — abvieścili na BT.
Adkrytaje hałasavańnie ŭ papularnych biełaruskich telehram-kanałach davali zusim inšyja vyniki. 3% aŭdytoryi «Našaj Nivy» i 6% aŭdytoryi Tut.by zajavili, što słuchali Alaksandra Łukašenku.
Kamientary