Zhodna z vynikami daśledavańnia, samcy kalibry dla taho, kab zrabić adpaviednaje ŭražańnie na samku pad čas tokavaha palotu mohuć dasiahać vializarnych chutkaściaŭ. Pavietranyja akrabaty dasiahali chutkaści amal u 400 daŭžyniaŭ svajho cieła za siekundu!
Krystafier Kłark (Christopher Clark) z univiersitetu Berkli ŭ Kalifornii (University of California Berkeley) zdymaŭ na śpiecyjalnuju kameru (jakaja robić 500 kadraŭ u sekundu) šlubnyja tokavyja paloty samcoŭ kalibry Anny. Kab nie šukać samak, daśledčyk pryvablivaŭ samcoŭ na čučały taho ž vidu.
Kali pryvieści ŭ adpaviednaść najbolšuju chutkaść, jakuju dasiahali samcy kalibry z daŭžynioj ich cieła i paraŭnać z adpaviednymi pakazčykami reaktyŭnaha samalota‑źniščalnika, apošni prajhraŭ by ŭ spabornictvie ptuškam. Na samaj apošniaj stadyi šlubnaha palotu, kali kalibry całkam vypramlajuć svaje kryły, «ich paskareńnie — skazaŭ sp. Kłark. — «było najbolšym z usich viadomych arhanizmaŭ, jakija vykonvajuć svaje manieŭry ŭ pavietry». I ŭsio heta dasiahajecca biez mahutnaha reaktyŭnaha ruchavika tolki dla taho, kab prademanstravać patencyjnaj partniorcy adpaviednuju dla stvareńnia pary fizyčnuju kandycyju!
Daśledavańni, padobnyja hetamu, dapamahajuć znajści abmiežavańni zdolnaściaŭ žyvioł.
Vyniki daśledavańnia byli apublikavanyja ŭ časopisie Proceedings of the Royal Society B.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy33
Kamientary