Bienita Fierera‑Valdnier: «Kali biełarusy vybieruć Jeŭropu, ich buduć čakać z abdymkami»
Paśla siońniašnich sustrečaŭ pačnucca pieramovy pa ŭsich kankretnych pytańniach, z adkryćciom jeŭrapiejskich rynkaŭ dla biełaruskich vytvorcaŭ uklučna, zajaviła jeŭrakamisar pa zamiežnych suviaziach pierad pradstaŭnikami niezaležnaha hramadstva i pasłami krainaŭ Jeŭrasajuzu ŭ hateli «Jeŭropa».
Paśla siońniašnich sustrečaŭ pačnucca dvuchbakovyja pieramovy pa ŭsich kankretnych pytańniach, z adkryćciom jeŭrapiejskich rynkaŭ dla biełaruskich vytvorcaŭ uklučna, zajaviła jeŭrakamisar pa zamiežnych suviaziach i palitycy susiedstva pierad pradstaŭnikami niezaležnaha hramadstva i pasłami krainaŭ Jeŭrasajuzu ŭ hateli «Jeŭropa».
Bienita Fierera‑Valdnier pačała sustreču sa słovaŭ pra toje, što jana narešcie naviedała Minsk.
Jana adznačyła niekalki simvaličnych momantaŭ, jakija supravadžajuć jaje padčas vizitu ŭ Biełaruś. Najpierš, čynoŭnica padkreśliła, što heta jaje pieršy vizit u našu krainu, jak i pieršy vizit da nas jeŭrakamisara.
«Naša z vami sustreča adbyvajecca ŭ hateli pad nazvaj «Jeŭropa», pad ściaham Jeŭrasajuzu.
Spadziajusia, što ZŠA i Rasija nie suprać» — skazała Fierera‑Valdnier.
U svaim vystupie jana nahadała, što pačynajučy ź minułaha leta Biełaruś i Jeŭropa abmianialisia nadzvyčaj pazityŭnymi sihnałami: aficyjny Minsk zakryŭ pytańnie ź viaźniami sumleńnia, na što Brusiel adkazaŭ skasavańniem sankcyj suprać šerahu čynoŭnikaŭ.
Ale hetaha mała, padkreśliła vysokaja hościa, Jeŭropa čakaje ad Biełarusi nastupnych i bolš hłybokich źmienaŭ. Najpierš, źmienaŭ u vybarčaje zakanadaŭstva.
A taksama roŭnych umovaŭ dla ŚMI i svabodu schodaŭ i vykazvańniaŭ dla pradstaŭnikoŭ palityčnych partyj i niezaležnaha hramadstva Hetaja dumka, treba dumać, była skiravanaja da redaktaraŭ niezaležnych ŚMI, pieravažna rehijanalnych, što prysutničali na sustrečy, a taksama da lideraŭ palityčnych partyj i pradstaŭnikoŭ hramadski abjadnańniaŭ.
Asnoŭnuju častku vystupu Bienity Fierera‑Valdnier zaniała tema «Uschodniaha partniorstva».
Jana padziakavała pasłańniku Čechii, u časie staršynstva jakoj u ES i było adpisanaje pahadnieńnie. Pry hetym jeŭrapiejskaja čynoŭnica nahadała i pra svaju rolu ŭ hetym prajekcie:
«Ja, kali dazvolicie, maci «Uschodniaha partniorstva».Prysutnym nahadali pra toje što Biełaruś moža atrymać u ramkach prahramy: palohka vizavaha režymu (mahčymaje skaračeńnie jaje cany najpierš), vychad biełaruskich vytvorcaŭ na jeŭrapiejski rynak, dyviersifikacyja ekanamičnaha kursu krainy i h.d.
Jeŭrakamisar koratka raspaviała pra sustreču z kiraŭnikom Biełarusi.
«My plonna parazmaŭlali, sustreča praciahvałasia kala 2,5 hadzin» — paviedamiła jana.
Fierera‑Valdnier skazała, što asabista paviedamiła Łukašenku pra admienu sankcyj suprać biełaruskich čynoŭnikaŭ. Najpierš ža razmova išła pra «Uschodniaje partniorstva» i šlachi vychadu z ekanamičnaha kryzisu.
Sa słovaŭ jeŭrakamisara, paśla siońniašnich sustrečaŭ pačnucca dvuchbakovyja pieramovy pa ŭsich kankretnych pytańniach, z adkryćciom jeŭrapiejskich rynkaŭ dla biełaruskich vytvorcaŭ uklučna.
«Kali biełarusy vybieruć Jeŭropu, ich buduć čakać z raspaściortymi abdymkami. U vas jość usie mahčymaści, i ja dumaju, vy ich skarystajecie», — zajaviła Bienita Fierera-Valdnier.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy33
Kamientary