U novy piŭny siezon 2021 hoda brend «Rečyckaje» ŭvachodzić kardynalna abnoŭlenym. Forma butelki, łahatyp, etykietka — źmianiłasia ŭsio, akramia bieskampramisnaha padychodu da jakaści i smaku pradukta.
«Zvarana z pavahaj» — tak hučyć hałoŭny słohan i ŭ toj ža čas asnoŭnaja kaštoŭnaść «Rečyckaha». Na praciahu niekalkich hadoŭ brend aktyŭna nahadvaje biełarusam ab tym, jak važna pamiatać pra svaje vytoki, pavažać siabie i svajo minułaje.
«Chutka pieramienlivy śviet zaachvočvaje na źmieny nie tolki ludziej, ale i kampanii. Kali brend choča być aktualnym, to jamu važna adpaviadać duchu i zapytu času. Mienavita hetymi kryteryjami kiravałasia brend-kamanda «Rečyckaha», prymajučy rašeńnie ab hłabalnym redyzajnie», — adznačaje dyrektar pa markietynhu kampanii Śviatłana Vałkaviec.
Jak budzie vyhladać novaja butelka «Rečyckaha»?
Novy łahatyp «Rečyckaje» stvorany ŭ jeŭrapiejskaj hieraldzičnaj stylistycy. Unutry stylizavanaha čyrvonaha znaka ŭ formie ščyta ŭpisany vobraz viežy siarednieviakovaj krepaści na bierazie Dniapra. 1511 hod — važnaja data ŭ historyi horada Rečyca (radzimy brenda «Rečyckaje»). Mienavita ŭ hetym hodzie Rečyca ŭ liku pieršych biełaruskich haradoŭ atrymała Mahdeburhskaje prava. Litary słova «Rečyckaje» — sučasnaja interpretacyja hatyčnaha piśma i svojeasablivaja adsyłka da našaj słaŭnaj historyi.
Raźmieščany pad łahatypam słohan tranśluje asnoŭnuju kaštoŭnaść brenda — pavahu da spažyŭca.
Brend-mieniedžar Dźmitryj Ješčyk padkreślivaje, što pavaha — adna z asnoŭnych kaštoŭnaściej dla biełarusaŭ: «My stavimsia z pavahaj da usich, chto nas akružaje, i chočam, kab nas pavažali ŭ adkaz. Pavaha — heta najvyšejšaja miera, znak jakaści čałaviečych znosin. Kali ciabie pavažajuć — značycca, prapanoŭvajuć tolki lepšaje i nie sprabujuć ašukać. Za našym brendam stajać ludzi, jakija robiać svaju pracu sumlenna i varać biezdakorna smačnaje piva. Mienavita takim pivam možna z honaram pačastavać ludziej, jakich pavažaješ!»
Novaja šklanaja butelka ciapier zialonaja, čto padkreślivaje pitkaść i śviežaść praduktu, a tvist-of korak — heta dadatkovaja zručnaść dla spažyŭca. Forma butelki ŭvasablaje aktualnaść brenda i jaho imknieńnie da novych dasiahnieńniaŭ.
Niahledziačy na hłabalnyja źmianieńni, brend zachavaŭ zvyčajnyja koleravyja rašeńni dla usich hatunkaŭ, kab spažyviec moh lohka znajści svoj lubimy pradukt: vytrymanaje «Śvietłaje», aśviažajučaje «Załacistaje», duchmianaje «Ekspartnaje» i vytančanaje «Biełaje».
Na ciapierašni momant u kramach možna znajści vaša lubimaje «Rečyckaje» jak u novym, tak i ŭ starym dyzajnie. Kančatkovy pierachod da adzinaha vizualnaha vobrazu ŭ kampanii płanujuć zavieršyć praź niekalki miesiacaŭ.
Kamientary