Rasija zmoža pieradać ZŠA Alaksieja Navalnaha tolki ŭ tym vypadku, kali vyśvietlicca, što ŭ jaho jość amierykanskaje hramadzianstva i jon pracuje na śpiecsłužby.
Pra heta zajaviŭ pres-sakratar rasijskaha prezidenta Dźmitryj Piaskoŭ u efiry «Echa Maskvy», piša RBK.
«Kali raptam paćvierdzicca amierykancami aficyjna, što jon hramadzianin Złučanych Štataŭ i pracuje na śpiecsłužby. Pa-inšamu nijak», — skazaŭ Piaskoŭ.
Piaskoŭ adznačyŭ, što pytańnie Navalnaha ŭzdymałasia padčas razmovy ŭ vuzkim składzie na ŭčorašnim samicie Uładzimira Pucina i Džo Bajdena ŭ Ženievie.
«Razmova pra Navalnaha prajšła ŭ dziažurnym klučy. Tema sapraŭdy zakranałasia, jana była paznačanaja prezidentam ZŠA. I śledam byŭ adkaz ad prezidenta Rasii. I, jak vy razumiejecie, dasłoŭna vuzki skład nikoli nie pierakazvajecca», — dadaŭ pres-sakratar.
Jon taksama adznačyŭ, što padčas sustrečy mahčymaść vydačy abo abmienu Navalnaha ZŠA nie abmiarkoŭvałasia. U toj ža čas abmien źniavolenymi asobami prezidenty zakranali.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary