Usio źmiašałasia ŭ domie biełarusaŭ — usie tut stali svaje. I kniahinie Ramanava, i hrafinia Radzivił, i Mister Nie kamunistyčnaj impieryi, i «chłopčyk-zadnica» Bora Maisiejeŭ.
Usio źmiašałasia ŭ domie biełarusaŭ — usie tut stali svaje. I kniahinia Ramanava, i hrafinia Radzivił, i Mister Nie kamunistyčnaj impieryi, i «chłopčyk-zadnica» Bora Maisiejeŭ.
Sioletni lipień vydaŭsia ščodrym na vizity. Tak, naprykład, 16-18 lipienia Biełaruś naviedvaje kiraŭnica Rasijskaha impieratarskaha doma kniahinia Maryja Ramanava. Z hetaj nahody aficyjnyja i nie tolki ŚMI strakaciać zahałoŭkami: «Vialikuju kniahiniu M.Ramanavu ŭ Homieli sustrakajuć čynoŭniki, pravasłaŭnaje duchavienstva i dziaŭčaty ŭ nacyjanalnych strojach», «Vialikaja kniahinia Maryja Ramanava razmaŭlała na sustrečy z homielskimi deputatami i čynoŭnikami pra raźvićcio Homielskaj vobłaści i historyi», «Na śniadanak kniahini Ramanavaj u Homieli ŭ hatelny numar padali blinčyki, masła, syr, kašu, draniki, johurt i sok». Vizitu kniahini Ramanavaj nadajecca našmat bolšaja ŭvaha, čym travieńskamu pryjezdu Alžbiety Radzivił.
Heta tym bolš dziŭna, bo jakoje dačynieńnie maje taja ž Ramanava da Biełarusi? Ź jakoj takoj radaści homielskija deputaty i čynoŭniki musiać abmiarkoŭvać z hetaj asobaj raźvićcio Homielskaj vobłaści i jaje historyju?Uličvajučy sapraŭdny ŭpłyŭ rodu Ramanavych na los nie tolki Homielskaj vobłaści, ale ŭsioj krainy, dziŭnym padajecca toje, ź jakoj pompaj sustrakajuć kniahiniu ŭ Biełarusi, čyj śvietapohlad vidavočna nie źmianiŭsia. Čaho tolki vartaje jaje zajava pra toje, što hety pryjezd u Biełaruś — «pieršy aficyjny vizit u tuju častku byłoj Rasijskaj impieryi, jakaja ISNUJE SAMASTOJNA». Zaŭvažym, što niezaležnaje hramadstva ŭ asobie namieśnika staršyni Partyi BNF Vincuka Viačorki niehatyŭna adreahavała na pryjezd Ramanavaj. «Ramanavy — zavajoŭniki našaj Baćkaŭščyny. Kryvavyja. Na rukach Ramanavych kroŭ vajaroŭ Kaściuški, Kastusia Kalinoŭskaha i Zyhmunta Sierakoŭskaha, pałamanyja losy Bahryma j Bahuševiča dy miljonaŭ, miljonaŭ biełaruskich sialanaŭ i šlachty, śviataroŭ, miaščanaŭ, kniazioŭ…» — adznačyŭ V. Viačorka.
Jašče adnoj znakavaj padziejaj lipienia moža stać adznačeńnie 100 hadoŭ z naradžeńnia byłoha ministra zamiežnych spraŭ SSSR Andreja Hramyki, uradženca Biełarusi. Dziela hetaha ŭ našu krainu pryjeduć dzieci i ŭnuki byłoha vysokaha savieckaha kiraŭnika.
Adznačać buduć ažno try (!) dni, darma, što ŭ Biełarusi nie toje što adnahodki ŭnukaŭ byłoha ministra, ale i šmat chto z adnahodkaŭ jahonych dziaciej słaba pamiataje, chto taki Andrej Andrejevič Hramyka.
Iznoŭ ža, što tamu Hramyku, viernamu słužaku impieryi, było da Biełarusi?
I, kaniečnie, nie abminuć sioletni Słavianski bazar u Viciebsku. Biezumoŭna, fiestyval maje šmat plusaŭ. Ale ŭ čałavieka, jaki nie maje mahčymaści asabista ŭ hetym upeŭnicca, moža skłaścisia advarotnaje ŭražańnie. Bo na pavierchniu ŭspłyvaje tolki toje, što... Što ŭspłyvaje, karaciej. Što maje adpaviedny ŭzrovień skandalnaści, zdolnaje padtrymlivać uvahu masavaha hledača i čytača na praciahu šmatdzionnaha fiestyvalnaha marafonu.
Jakuju tupaść, jakuju pusteču tyražujuć surjoznyja i niesurjoznyja, łukašenkaŭskija i apazicyjnyja ŚMI!Chto z rasijskich «zorak» pryjechaŭ na daražejšym aŭto, čym jany charčujucca na «Słavianskim bazary», jakim čynam niekatoryja pradstaŭniki ajčynnaha i rasijskaha šoŭ-biźniesu pažyvilisia na słavie znakamitaha ziemlaka z Narviehii, sioletniaha pieramožcy «Jeŭrabačańnia». «Majsiejeŭ: «Tak, ja — rasp...iaj!» — fotarepartaž na BIEŁTA. I jamu za heta jašče i zapłaciać, a jak viadoma, «chulihanstvy» pryvaznych «zorak» składajuć adnu z samych značnych krynicaŭ vydatkaŭ fiestyvalu. I voś paradoks: kab zładzić čarhovy Źjezd biełarusaŭ śvietu jaho arhanizatary musiać chiba tolki nie raźbicca ŭ blin — i zału arandavać z bojem, i haściej pasialić (trymajučy ŭ hałavie niemałyja vydatki), radujučysia pry hetym, što dziaržava choć by mocna nie zaminaje. A taja samaja dziaržava ŭ hety čas vałavanami ź ikroj sustrakaje kniahiniu Ramanavu, dy padpisvaje čeki na hihanckija hanarary pasiviełym rasijskim «fanahramščykam».
-
Statkievič: Nastupnaje «akno mahčymaściaŭ» moža być apošnim dla biełarusaŭ
-
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać
-
Biełarus pra adstaŭku Fiodarava: Viera ŭ niepahrešnaha technakrata nievykaranialnaja
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju8
Kamientary