20 vieraśnia prajšoŭ kadravy dzień. Łukašenka zaćvierdziŭ novych pasłoŭ u troch krainach. U Tadžykistan pajedzie Viktar Dzianisienka, u Braziliju — Siarhiej Łukaševič, a ŭ Paŭdniovuju Kareju adpravicca Andrej Čarniecki.
Byłaja pasada Viktara Dzianisienki źmieścicca nie na kožnaj vizitoŭcy: namieśnik načalnika Hałoŭnaha ŭpraŭleńnia, načalnik upraŭleńnia krain Sadružnaści Niezaležnych Dziaržaŭ Hałoŭnaha ŭpraŭleńnia Rasii, krain SND i jeŭrazijskaj intehracyi Ministerstva zamiežnych spraŭ Respubliki Biełaruś.
Ale ciapier Dzianisienka pajedzie pasłom u Tadžykistan.
Rehijon dla jaho zusim nie novy. Da 2017 hoda čynoŭnik 7 hadoŭ pracavaŭ pasłom u Kyrhyzstanie. Jakraz padčas jaho pracy ŭ Kyrhyzstanie adbyłasia krasavickaja revalucyja 2010 hoda, kali apazicyja ŭziała ŭładu, a były prezident Bakijeŭ źbieh u Biełaruś.
Tady biełaruskich dypłamataŭ, u tym liku i Dzianisienku, adklikali ŭ Minsk, Łukašenka zajaŭlaŭ pra nielehitymnaść novaj ułady, ale pacichu adnosiny naładzilisia.
«Spahadlivaść i adkrytaść kyrhyzskaha naroda vielmi impanavali ŭ hady pracy, i kyrhyzy vielmi padobnyja ź biełaruskim narodam pa mientalitecie», — kazaŭ Dzianisienka.
Padčas jaho pracy pasłom u Kyrhyzstanie adkryli zborku biełaruskich traktaroŭ, taksama jon prasoŭvaŭ supracu ŭ śfiery sielskaj haspadarki, zaklikaŭ inviestaraŭ.
Pa słovach Makieja, Dzianisienku «niekalki razoŭ sprabavali nakiravać u zachodnija krainy, kuryravać, ale z ulikam niekatorych niuansaŭ u kančatkovym vyniku było rašeńnie nakiravać u Tadžykistan».
Siarhiej Łukaševič, jaki staŭ pasłom u Brazilii, da taho pracavaŭ starejšym daradcam biełaruskaha pasolstva ŭ Ispanii.
«U Ispanii, niahledziačy na sproby tam dyjaspary, tam šerahu kołaŭ, arhanizacyj, biazładździa niejkija… linija była vyrazna vytrymanaja, bolš za toje davaŭsia adpor, bolš za toje heta było efiektyŭna, pastupali kankretnyja prapanovy, skažam, pa kankretnych napramkach pracy», — vykazaŭsia pra pracu Łukaševiča Uładzimir Makiej.
Praŭda, u žniŭni 2020 hoda Pavieł Pustavy, pasoł Biełarusi ŭ Ispanii, zaklikaŭ pieraličyć hałasy na vybarach i rasśledavać hvałtoŭnyja dziejańni siłavikoŭ, za što byŭ adpraŭleny ŭ adstaŭku. Vyhladaje, što Łukaševič nie padtrymaŭ tady svajho načalnika.
Taksama Makiej zapeŭniŭ Łukašenku ŭ nadziejnaści novych kandydataŭ.
«Što tyčycca Viktara Alaksandraviča i Siarhieja Uładzimiraviča za hety hod, za minuły, jany zarekamiendavali siabie absalutna nadziejnymi, prafiesijna padrychtavanymi ludźmi i supracoŭnikami. Toje, što tyčycca nadziejnaści, jak supracoŭnikaŭ MZS, supracoŭnikaŭ dypsistemy, ja ručajusia, tavaryš prezident», — skazaŭ Makiej.
Cikava, jak padaje heta dziaržpresa: ŭ «Sovietskoj Biełoruśsii» ŭkazvajucca byłyja pasady Dzianisienki i Łukaševiča, tady jak pra Čarnieckaha — ani słova. Tolki imia i proźvišča.
Čamu tak? Bo jon śpiecsłužbist. Raniej Čarniecki ŭznačalvaŭ hałoŭnaje ŭpraŭleńnie KDB. Heta ŭžo nie pieršaje pryznačeńnie byłoha siłavika na dypłamatyčnuju pasadu. Raniej pasłom u Armienii staŭ eks-hienprakuror Kaniuk. Byłoha kiraŭnika mytnaj słužby Siańko pryznačyli pasłom u Kitaj, a pasłom u Azierbajdžan «sasłali» eks-ministra abarony i byłoha dziaržsakratara Savieta Biaśpieki Raŭkova.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy33
Kamientary