Adzin čałaviek zahinuŭ, čaćviora atrymali apioki ŭ vyniku ŭciečki amijaku na Słuckim miasakambinacie.
Adzin čałaviek zahinuŭ, čaćviora — atrymali apioki ŭ vyniku ŭciečki amijaku na Słuckim miasakambinacie.
Jak paviedamiŭ BiełaPAN pres‑sakratar Ministerstva pa nadzvyčajnych situacyjach Vital Navicki, infarmacyja ab NZ na miasakambinacie pastupiła 18 lipienia ŭ 13.13.
U vyniku razhiermietyzacyi trubapravoda chaładzilnaj kamiery adbyłasia ŭciečka 200 kiłahramaŭ amijaku, jaki raspaŭsiudziŭsia pa terytoryi cechu. Adna supracoŭnica pradpryjemstva zahinuła, jašče čaćviora — try žančyny i mužčyna — atrymali apioki. Adna z paciarpiełych znachodzicca ŭ ciažkim stanie.
U likvidacyi nastupstvaŭ NZ było zadziejničana bolš za 50 ratavalnikaŭ MNS. Jany asadžvali amijak z dapamohaj «vodnaj zasłony» i adpampoŭvali amijačnuju vadu. «Dziakujučy dakładnym svoječasovym dziejańniam ratavalnikaŭ, amijačnaje vobłaka nie raspaŭsiudziłasia za miežy kambinata i pahrozy prylehłym žyłym damam nie było», — skazaŭ pres‑sakratar.
Pavodle jaho słoŭ, «papiaredniaj pryčynaj NZ stała ŭciečka ŭ miescy zvaračnaha złučeńnia». «Mahčyma, było niajakasnaje zvaračnaje švo, ale heta — papiaredniaja viersija», — padkreśliŭ Navicki. Rasśledavańniem pryčyn zdareńnia zajmajecca śpiecyjalna stvoranaja kamisija.
Ciapier likvidacyja nastupstvaŭ NZ pradaŭžajecca. Z vykarystańniem śpiecyjalnych dymasosaŭ ratavalniki adpampoŭvajuć pavietra z pamiaškańnia cechu, na miesca ŭciečki ŭstanoŭleny bandaž. Kancentracyja amijaku ŭ pavietry na hety momant pieravyšaje dapuščalny pakazčyk u 5 razoŭ.
Na dumku supracoŭnikaŭ pradpryjemstva, achviaraŭ było b našmat bolej, kab avaryja zdaryłasia ŭ budni dzień.
-
U Minsku ŭ 72‑hadovaha piensijaniera znajšli patrony, porach i vintoŭku z hłušycielem
-
U Naroŭli na pažary zahinuli 73‑hadovaja piensijanierka i dvoje jaje praŭnukaŭ — 5‑hadovaja dziaŭčynka i 10‑hadovy chłopčyk
-
U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
Kamientary