Minski mietrapaliten: «Ad asob stałaha ŭzrostu nam nieadnarazova pastupali nastojlivyja prośby nie puskać u mietro biez masak»
Na siońniašniaj naradzie pa epidemijałahičnaj situacyi i mierach supraćdziejańnia raspaŭsiudžvańniu karanavirusnaj infiekcyi Alaksandr Łukašenka raskrytykavaŭ kantrol masak. Ale ničoha dakładnaha pra los abaviazkovaha masačnaha režymu ŭ vyniku skazana nie było. Miž tym, my pacikavilisia, jak ciapier prachodzić kantrol za maskami ŭ minskim mietro: ździajśniać rejdy ŭ padziemcy z 13 kastryčnika daručyli hrupam inśpiektaraŭ słužby biaśpieki.
Łukašenka zaniaŭsia kavid-prafiłaktykaj nasielnictva, ale atrymałasia tolki horš. Što jon skazaŭ
Jak nam raskazali ŭ pres-słužbie mietrapalitena, z prośbami dadatkova sačyć za tym, kab u mietro nie było ludziej biez masak, da supracoŭnikaŭ źviartajucca sami pasažyry.
«Nam nieadnarazova pastupali skarhi, u asnoŭnym ad asob starejšaha i stałaha ŭzrostu, z nastojlivaj prośbaj nie dapuskać u mietro ludziej biez masak ci sačyć, kab nichto ź ich nie zdymaŭ ich padčas jazdy, — prakamientavaŭ «Našaj Nivie» pres-sakratar minskaha mietrapalitena Andrej Drob. — U tym liku z kłopatam pra ŭzrostavych pasažyraŭ i byli raspačatyja tłumačalnyja rejdy.
Padčas ich praktyčna ŭsie pasažyry pazityŭna reahavali na prośby inśpiektaraŭ słužby biaśpieki nadzieć masku. U svaju čarhu, našy supracoŭniki zaŭsiody dziakujuć takim pasažyram za razumieńnie i kłopat pra ludziej navokał».
Što tyčycca štrafavańnia pasažyraŭ mietro biez maski, to takoj mety i nie było.
«U nas niama takich paŭnamoctvaŭ. My tolki prapanujem pasažyram nadzieć maski na pieryjad pajezdki ŭ mietro, kab zaścierahčy siabie i pasažyraŭ pobač ad ryzyki zaražeńnia infiekcyjnymi zachvorvańniami.
Heta vyklikana tym, što ŭ hramadskim transparcie niama mahčymaści zabiaśpiečyć sacyjalnuju dystancyju», — udakładniŭ Andrej Drob.
Kamientary