Palitviaźniaŭ, što adbyvajuć termin u kałonii, asudzili jašče i za ździek sa ściaha
Palitviaźniaŭ Illu Patrušava i Viktara Šmihielskaha, jakija ŭžo adbyvajuć pakarańnie, znoŭ asudzili. Na hety raz — za ździek ź dziaržaŭnaha ściahu, paviedamlajuć pravaabaroncy.
U sudzie Žłobinskaha rajona vyniesieny prysud pa kryminalnaj spravie pra ździek ź dziaržaŭnych simvałaŭ (art. 370 KK RB). Na łavie padsudnych — dvoje miascovych žycharoŭ: palitviaźni Illa Patrušaŭ i Viktar Šmihielski. U sakaviku im užo prysudzili pa try hady kałonii za ŭdzieł u akcyjach pratestu ŭ Žłobinie paśla vybaraŭ.
Zhodna z materyjałami abvinavačvańnia, u vieraśni 2020 hoda Patrušaŭ i Šmihielski źniali z adździaleńnia «Biełpošty» dziaržaŭny ściah i zajšli ŭ najbližejšy dvor, dzie «praciahvali abraźlivyja dziejańni ŭ dačynieńni da dziaržaŭnaha simvała».
Sudździa Natalla Kačałava pryznała ich vinavatymi i pryznačyła pa adnamu hodu «chimii» kožnamu.
Pa sukupnaści pakarańniaŭ, palitviaźniam prysudzili dva hady i vosiem miesiacaŭ kałonii. Takim čynam, da raniejšaha pakarańnia dadałosia jašče dva miesiacy kałonii.
Kamientary