23 lipienia try biełaruskija kłuby praviali matčy ŭ adkaz druhoha kvalifikacyjnaha raŭndu Lihi Jeŭropy.
23 lipienia try biełaruskija kłuby praviali matčy ŭ adkaz druhoha kvalifikacyjnaha raŭndu Lihi Jeŭropy.
Pieršym svoj matč pačaŭ staličny MTZ‑RIPA. Na minskim stadyjonie «Traktar» biełarusy prymali daniecki «Mietałurh». Pieršaja hulnia kłubaŭ skončyłasia bujnoj pieramohaj paŭdniovych susiedziaŭ — 3:0.
Puntus vykazvaŭ spadziavańnie na chutki hoł. Tady, maŭlaŭ, šancy, źjaviacca. Nie paśpieli kamandy narmalna razyhracca jak pajšoŭ livień. Drenažnyja sistemy stadyjonu ź im nie spravilisia. I francuzski arbitr Aliŭje Ciuval byŭ vymušany spynić hulniu.
Paŭza zaciahnułasia amal na hadzinu. A adrazu paśla adnaŭleńnia hulni brazilski lehijanier minčan Nikałas lik adkryŭ. Hulać MTZ stała viesialej.
Zrešty, kłas «Mietałurha» ŭsio ž skazaŭsia. Hały zabili jak i ŭ pieršym matčy zimbabvijec Mhuni i armianin Mchitaran. Pieramožny miač danieckaja kamanda zabiła za piać chvilin da skančeńnia hulni — 1:2.
U nastupnym raŭndzie «Mietałurh» sustreniecca z słavienskim «Inter‑Błokam».
***
Matč pamiž narviežskim «Tromse» i minskim «Dynama» skončyŭsia poŭnym fijaska dla biełarusaŭ. Chacia paśla pieršaj sustrečy, jakaja skončyłasia ź likam 0:0, šancy kamandy byli prykładna roŭnymi.
Narviežcy namahańniami Narvika chutka adkryli lik. Pieršy tajm tak i skončyŭsia minimalnaj pieravahaj haspadaroŭ.
U druhim tajmie «Tromse» lik padvoiŭ, ale litaralna praź niekalki chvilin haboniec Mbanahoj adradziŭ intryhu. Minčanie kinulisia atakavać, bo da finalnaha śvistka zastavałasia siem chvilin. Ale naparolisia na dźvie chutkich ataki vikinhaŭ — 1:4.
Varta adznačyć, što ŭ druhim tajmie hišpanski arbitr Karłas Homies pakazaŭ adrazu dźvie čyrvonyja kartki futbalistam «Dynama» — baśnijcu Zdraŭku Šarabie i francuzu Arjenu Mantarupu.
***
Samy realny šaniec prajści ŭ treci kvalifikacyjny raŭnd Lihi Jeŭropy mieŭ navapołacki «Naftan». Paśla chatniaj pieramohi nad «Hientam» 2:1, kamanda Ihara Kavaleviča pajechała ŭ Bielhiju.
«Hientu» było dastatkova zabić adziny hoł, i im heta ŭdałosia. Bielhijskaja kamanda zabiła ŭ pačatku druhoha tajmu. Bolš hałoŭ hledačy nie pabačyli — 0:1.
Unikalny šaniec sustrecca ź italjanskaj «Romaj» upuščany.
U jeŭrakubkach ź biełaruskich kłubaŭ znoŭ zastaŭsia adzin barysaŭski BATE.
Kamientary