Situacyja na miažy. Što viadoma na ciapierašni momant

15:39

Situacyju na biełaruska-polskaj miažy abmierkavali siońnia Łukašenka i Pucin.

13:06

Pres-sakratar Uładzimira Pucina Dźmitryj Piaskoŭ vykazaŭ spadzieŭ, što situacyja na miažy Biełarusi i Polščy nie pryviadzie da pahroz dla biaśpieki Rasii.

Jon dadaŭ, što Minsk i Maskva znachodziacca ŭ pastajannym kantakcie, u tym liku pa linii śpiecsłužbaŭ. «Tamu, viadoma, abmien infarmacyjaj idzie», — skazaŭ Piaskoŭ.

Kamientujučy situacyju ź mihrantami na miažy Polščy i Biełarusi, Piaskoŭ zajaviŭ, što samaje hałoŭnaje — žyćcio i zdaroŭje ludziej.

«Situacyja, biezumoŭna, napružanaja, tryvožnaja — heta patrabuje adkaznych pavodzin usich bakoŭ, jakija majuć da hetaha dačynieńnie.

I, viadoma, u dadzienaj situacyi samaje hałoŭnaje, usio ž taki, žyćcio i zdaroŭje tych ludziej, vialikaj kolkaści ludziej, jakija skapilisia la miažy — jany patrabujuć propusku praź miažu, sprabujuć praniknuć praź miažu, jany patrabujuć prytułku ŭ Polščy, na terytoryi Polščy — mnohija adkryta pra heta kažuć. My vielmi ŭvažliva nazirajem za hetym», — cytuje Piaskova ria.ru.

12:43

Polskija śpiecsłužby aceńvajuć kolkaść mihrantaŭ, jakija sabralisia na miažy ź Biełaruśsiu, u 3-4 tysiačy čałaviek

Takuju ličbu ŭ efiry polskaha radyjo nazvaŭ pres-sakratar ministra-kaardynatara śpiecsłužb Polščy Stanisłaŭ Žaryn.

«Učora my padličyli, što ŭ rajonie miažy z Polščaj moža być kala 4000 mihrantaŭ. Heta mihranty, jakija znachodziacca pad kantrolem biełarusaŭ, učora jany padzialilisia na roznyja hrupy, raźbili łahiery na načleh i, jak ja miarkuju, hetuju hrupu papoŭniać jašče ludzi, jakija pryjeduć ź Minska da našaj miažy», — skazaŭ Žaryn.

Usiaho, pavodle jaho słoŭ, u Biełarusi mohuć znachodzicca da 12-15 tysiač čałaviek, jakija chočuć trapić u Jeŭrasajuz. Žaryn dadaŭ, što eskałacyja na miažy budzie doŭhaterminovaj.

12:11

Delfi paviedamiła, što ŭnačy sotni nielehałaŭ pierakinuli da miažy ź Litvoj, u rajon vioski Kadyš.

Hrupu z 500 čałaviek siudy dastavili z taho miesca, dzie napiaredadni sabrałasia vialikaja hrupa mihrantaŭ la miažy z Polščaj. Nielehały raźbili łahier la litoŭskaj miažy, niekatoryja ź ich hrupami sprabavali prabracca na litoŭskuju terytoryju minułaj nočču (usiaho za minułyja sutki na terytoryju krainy sprabavali trapić 73 nielehały). A z 24.00 da 8.00 9 listapada ŭ Litvu sprabavali prajści 82 mihranty.

11:05

Minabarony Biełarusi adkazała na pretenzii Polščy ab mihracyjnym kryzisie

09:59

Pamiežniki ŭ Hrodzienskim rajonie praciahvajuć nieści słužbu va ŭzmocnienym režymie. Na vyjeździe z Hrodna staić kantrol — va ŭsich praviarajuć dakumienty.

09:40

MUS nie bačyć parušeńniaŭ zakanadaŭstva mihrantami: «My hatovy pryniać usich»

08:30

Z polskaha boku pamiežniki, palicyja, vojski terytaryjalnaj abarony ŭsiu noč vartavali miažu.

Na videa čuvać śmiech i razmovy. Unačy tempieratura apuskałasia da minus dvuch hradusaŭ. Nijakich sprobaŭ z boku mihrantaŭ paŭtaryć praryŭ miažy nie było.

Pavialičyć

Pavialičyć

Pavialičyć

Jesteśmy i czuwamy.@PolskaPolicja#naGranicy pic.twitter.com/PhDFv81oYA

— podlaska Policja (@podlaskaPolicja) November 8, 2021

Policjanci odparli próbę pierwszego,masowego przerwania granicy i agresywnego,siłowego wtargnięcia na teren Unii Europejskiej.Dalej chronimy granicę wspierając @Straz_Graniczna i Wojsko Polskie.Dzisiaj tłum odpierali policjanci z Białegostoku,Poznania,Bydgoszczy, Gdańska i Łódzi. pic.twitter.com/EBuQRDAco3

— Polska Policja (@PolskaPolicja) November 8, 2021

«Susiedzi mohuć pajści na časovuju błakadu miežaŭ navat u handlovych metach». Da čaho jašče moža pryvieści abvastreńnie mihracyjnaha kryzisu?

Bolš za 2000 mihrantaŭ sprabavali prarvacca praź biełaruska-polskuju miažu. Što tam adbyvałasia?

Novaje abvastreńnie na miažy: što nie tak z arhumientami łukašenkaŭcaŭ? 

• 0
• 0
• 0
• 0
• 0
• 0
• 0
• 0