Pamiatajecie pra kamisiju pa pamiłavańni? Zdajecca, jana sama zabyłasia na svajo isnavańnie
Kamisija pa pamiłavańni, jakaja razhladaje spravy palitviaźniaŭ, zasiadaje raz na kvartał. Novaje pasiadžeńnie musiła adbycca ŭ śniežni. Ale Hod adzinstva ŭžo skončyŭsia, a kamisija tak i nie sabrałasia.
Minuły raz kamisija źbirałasia ŭ vieraśni. Paśla hetaha pra vyniki jaje pracy ničoha nie čutno. «Naša Niva» źviartałasia da svajakoŭ palitviaźniaŭ, jakija pisali prašeńnie ab pamiłavańni. Pa ich słovach, čakałasia, što rašeńni ab vyzvaleńni ci admovie ŭ im buduć pryniaty da Novaha hoda, ale pasiadžeńnie adkłali.
Raniej Juryj Vaskrasienski raskazvaŭ, što siarod inšaha kamisija płanuje razhledzieć pytańnie ab pamiłavańni Dźmitryja Hopty — 21-hadovaha chłopca z razumovaj adstałaściu, jaki zaraz adbyvaje pakarańnie ŭ kałonii «Vićba».
«My pieradali ŭ kamisiju 200 proźviščaŭ. Na minułym pasiadžeńni razhledzieli tolki 20 (i ź ich 13 było pamiłavana), bo paśpieli sabrać dakumienty tolki na 20 čałaviek. Tam składanaja pracedura — na kožnaha rychtujecca cełaja papka: charaktarystyki ź miescaŭ adbyvańnia pakarańnia, miedycynskija daviedki», — dzialiŭsia tady jon.
Uznačalvaje kamisiju pa pamiłavańni Volha Čuprys, namieśnica kiraŭnika Administracyi Łukašenki.
Kamientary