Piša ź miesca padziejaŭ krajaznaŭca Uładzimir Skrabatun.
Piša ź miesca padziejaŭ krajaznaŭca Uładzimir Skrabatun.
Park u vioscy Dvor Zaleśsie byŭ zakładzieny ŭ XIX stahodździ ŭ majontku hrafa Mole. Pomnik sadova‑parkavaha mastactva. Unikalny aziorna‑pahorkavy łanšaft. Lehiendarnaja Mamčyna horka. Krajavidy!..
Jašče da siaredziny 1970‑ch u parku stajaŭ vialiki psieŭdahatyčny pałac, jaki miascovyja žychary nazyvali nie inakš jak «zamkam».Častka pałacu z vysokaj kutniaj viežaj źniščyli partyzany ŭ časie apošniaj vajny. U pałacy raźmiaščaŭsia harnizon Biełaruskaj Samaachovy – maładyja, zialonyja chłopcy, jakich kolki dzion tamu mabilizavali, jany j zbroi ŭ rukach trymać nie ŭmieli… Zabili ŭsich.
Pałac razabrali na cehłu. Park ža ŭ savieckija časy byŭ niedatykalny – pomnik pryrody i sadova‑parkavaha mastactva.
Niama nivodnaha hruntoŭnaha vydańnia pa zhadanaj temie, jakoje b abminuła ŭvahaj Zaleski park.
Kolki tut raście (užo rasło) ekzotaŭ!
Dub čyrvony, jalina kalučaja, tuja zachodniaja, chvaina Viejmutava, siem listoŭnic japonskich, niedaloka ad pałaca, try kiedry sibirskija, jakija dobra pładanosili, chvaina čornaja, listoŭnica jeŭrapiejskaja . Pierad pałacam raśli lipy amierykanskija i bujnalistyja, dva klony javary i najstarejšy na Biełarusi cis jahadny.
Nie minali Zaleski park i ekskursanty. Choć pałac i młyn razburyli ŭščent, ale zastałasia jašče stajnia ŭ styli psieŭdahotyki, zachavałasia niekalki žyłych damoŭ, jakija nakrytyja čyrvonaj dachoŭkaj. Voziera Muraŭščyna i voziera Biełaje ź jaho zatokami i vyspami, carkvoj na vysokaj hary — na tym bierazie …
Mnie, jak krajaznaŭcu, časta davodzicca čuć telefanavańni z roznych miescaŭ Hłyboččyny na adnu i tuju ž temu: «U našaj vioscy dla kacielni ahraharadka piłujuć na drovy staradaŭni panski park! Uładzimir Ivanavič, treba ž niešta rabić, bo našym dzieciam i ŭnukam nie zastaniecca ni historyi, ni pryhažości. Pryjedźcie…»
Pryjazdžaju. Idu ŭ sielsaviet. A tam kažuć: «U nas jość prajekt! Voś piačatki i podpisy viciebskich architektaraŭ. Usio ŭzhodniena. I nie treba tut uźnimać lamant. U parku budzie ahraharadok».
Dyk heta ž pomnik siadzibna parkavaha mastactva! Achoŭvajecca dziaržavaj!
A našy miascovyja kałhasnyja praraby vyrašyli – zachavańniu nie padlahaje!
Rana nam u Jeŭropu.
-
Paźniak prezientavaŭ knihu «Vilenščyna lubimaja i pryŭkrasnaja». Tam jość navat vieršy pa-francuzsku
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
Kamientary