U niamieckim bary niechta padmiašaŭ u šampanskaje ekstazi. Nastupstvy paskudnyja
Naviedvalniki bara ŭ bavarskim horadzie Vajden masava atrucilisia šampanskim. Ekśpierty vyśvietlili, što ŭ napoj niechta padmiašaŭ narkotyk.
Incydent zdaryŭsia nočču ŭ subotu, chutka paśla taho, jak kampanija zakazała ŭ bary butelku šampanskaha i raśpiła jaje. Kali palicejskija prybyli ŭ bar pa vykliku, jany pabačyli, što na padłozie kurčacca ludzi. Vosiem čałaviek trapili ŭ špital, piša Sky News.
Adzin z naviedvalnikaŭ bara, 52-hadovy mužčyna, pamior.
Śledčyja vyśvietlili, što ŭ šampanskim, jakoje pili paciarpiełyja, vyjavili atrutnaje rečyva ŭ značnaj kancentracyi. Ekśpierty identyfikavali jaho jak ekstazi — lohki narkotyk. Pakul nie nadta zrazumieła, jak jon trapiŭ u butelku, ale palicyja nie ličyć, što heta była namieranaja sproba zabojstva.
Kamientary