Jakuju rekłamu kruciać na dziaržaŭnym TB u prajm-tajm? Zajmalny ahlad
Niadaŭna Łukašenka daručyŭ padrychtavać «pramaliniejny i niezavualavany» ŭkaz, jaki prymusić raźmiaščać rekłamu na «patryjatyčnych pradziaržaŭnych kanałach». Pahladzieli, chto ciapier rekłamujecca na dziaržTB.
My praanalizavali viečarovy efir — zvyčajna heta samy rejtynhavy i adpaviedna samy darahi dla rekłamadaŭcaŭ čas.
Roliki na «Biełaruś-1» možna padzialić na try błoki — rekłama kampanij, ułasnych TB-prajektaŭ i sacyjalnaja rekłama.
Chto z arhanizacyj rekłamujecca? Heta biełaruskaja meblevaja fabryka «Ami Miebiel», Biełtelekam (prapanujuć servis videakantrolu), Danone. Jość roliki pra płaciožnuju sistemu «Biełkart», supraćvirusnyja preparaty rasijskaj vytvorčaści.
Rekłamujecca taksama dziaržaŭnaja hazieta «Minskaja praŭda», viadomaja svaimi skandalnymi karykaturami.
Sacyjalnaja rekłama — heta roliki «My — biełarusy» i zaprašeńnie na kantraktnuju słužbu ad Uzbrojenych siłaŭ RB.
«Koli chočieš byť v počietie, zaŝiŝať stranu svoju,
Jesť kontraktnaja rabota v našiej armii, v stroju», — dekłamuje sałdat pierad inšymi chłopcami ŭ formie.
Kinapremjery, jakija anansuje telekanał, — heta rasijskija mieładramy i iranična-detektyŭny sieryjał. BT rekłamuje taksama ŭłasnyja prajekty — pieradaču «Ja viedaju» (jakuju viaduć Hieorhij Kałdun i Julija Piarcova), ranišniaje tok-šou «Skažy, nie maŭčy».
Na ANT u prajm-tajm u budnyja dni rekłamy vielmi mała. Amal uvieś čas addadzieny navinam i prapahandysckim pieradačam. Za hadzinu moža być tolki adzin rekłamny rolik.
Bolšaść času zajmaje anons kinapremjer, jakija buduć na telekanale. Amal usio — rasijskaje kino: sieryjał pra Rasijskuju impieryju «Sabor», telesieryjał pra kryminalnyja rasśledavańni «Apieracyja «Satana», drama «Nichto nie daviedajecca». Vyklučeńnie — turecki sieryjał «Kurt Sieit i Alaksandra».
Astatniuju chvilinu rekłamnaha błoku ŭviečary addajuć farmkampanijam — biełaruskaj i niamieckaj.
Na STB absalutnaja bolšaść rekłamy — sacyjalnaja. Faktyčna ŭ kožnym błoku rekłamy prysutničać roliki pra słužbu pa kantrakcie. Časta źjaŭlajucca siužety ad Ministerstva pa nadzvyvyčajnych situacyjach. Hledačam taksama rajać zapłacić alimienty, prapuskać mašyny chutkaj dapamohi. Niekatoryja roliki — pra zbor na lačeńnie dzicia ŭ Hiermanii.
Svaje haziety na STB rekłamuje vydaviecki dom «Biełaruś siehodnia».
Z kamiercyjnaj rekłamy — roliki «Ami Miebiel», zaručalnych piarścionkaŭ, jakija možna nabyć pa karcie «Biełkart», čachłoŭ dla mebli ad kampanii «Miłbiełteks». Z tavaraŭ niebiełaruskaha pachodžańnia — «Najz hiel» ad indyjskaj kampanii.
Ahułam na dziaržaŭnych telekanałach vielmi mała rekłamy kampanij, a kali nie ličyć dziaržaŭnyja arhanizacyi, to, možna skazać, u efir prychodziać adzinkavyja vytvorcy.
Paśla niadaŭniaj narady ŭ Łukašenki ministr infarmacyi Piarcoŭ skardziŭsia, što kampanii, jakija syšli z Rasii, choć i zastalisia ŭ Biełarusi, ale pierastali rekłamavacca. Aktualnaja zadača, jakuju jon ahučyŭ, — prymusić brendy płacić, navat, kali jany i nie chočuć raźmiaščać rekłamu.
Łukašenka padpisaŭ ukaz ab raźvićci ŚMI. Dziaržaŭnyja miedyja buduć ciapier karmicca sa zboru ad rekłamadaŭcaŭ
«Viadučy ANT napisaŭ mnie: «Ty zdochnieš na pomojkie». Ivan Padrez raskazaŭ pra evakuacyju siamji z Charkava, Ihara Tura i Łukašenku
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki2
Kamientary