Mininfarmacyi nie prymała rašeńnia ab źnižeńni kvoty hučańnia biełaruskaj muzyki ŭ efiry radyjostancyj
Kančatkovaje rašeńnie ab źnižeńni kvoty na hučańnie biełaruskaj muzyki ŭ efiry ajčynnych radyjostancyj z 75 da 50% pakul nie pryniata.
Pra heta BiełaPAN paviedamili ŭ Ministerstvie infarmacyi.
25 žniŭnia niekatoryja biełaruskija ŚMI pieradali, što ŭ chutkim časie na dziaržaŭnym uzroŭni budzie pryniata rašeńnie ab skaračeńni hučańnia kampazicyj biełaruskich vykanaŭcaŭ u efiry radyjostancyj z 75 da 50%.
Zhadvałasia, što hetaje rašeńnie vyklikana nieabchodnaściu palapšeńnia kankurentnaha asiarodździa ŭ muzyčnaj kultury i tvorčaha raźvićcia ajčynnych artystaŭ.
U Ministerstvie infarmacyi BiełaPAN paviedamili, što pytańnie ab metazhodnaści źnižeńnia kvoty na hučańnie biełaruskaj muzyki
sapraŭdy niadaŭna abmiarkoŭvałasia na naradzie. Adnak kančatkovaje rašeńnie pryniata nie było. Tamu ab nieadkładnym skaračeńni kvoty da 50% kazać nielha, zajavili ŭ Mininfarmacyi.
U liku tych, chto vystupaje za skaračeńnie kvoty, jość i pradstaŭniki radyjostancyj. «Rašeńnie ab skaračeńni kvot my tolki vitajem, — skazała ŭ intervju BiełaPAN prahramny dyrektar «Aŭtaradyjo» Iryna Lvova. — Bajusia navat havaryć na hetuju temu, kab nie spudzić. Chacia ŭ lubym vypadku nie admovimsia ad ratacyi biełaruskamoŭnych trekaŭ pop‑muzyki, rok‑muzyki, bluza, džaza. Źnižeńnie abaviazkovaj normy z 75 da 50% mahło b paŭpłyvać na pavyšeńnie jakaści biełaruskich kampazicyj u radyjoefirach».
Na dumku Lvovaj, paśla ŭviadzieńnia kvoty ŭ 75% mnohija radyjostancyi pierahledzieli svaju palityku, vyvučyli archivy i znajšli šmat jakasnych biełaruskich trekaŭ, jakija stali zapuskać u radyjoefir. «Jany padabalisia słuchačam. Ale minuŭ čas, staryja treki ŭžo pierastali padabacca, a novyja abo našmat horš, abo naohuł adsutničajuć. Tamu ciapier radyjostancyi sutyknulisia z prablemaj zapaŭnieńnia efiru. Pryniaćcie rašeńnia ab skaračeńni abaviazkovaj kolkaści piesień biełaruskich artystaŭ u efiry FM‑stancyj dazvoliła b vyrašyć prablemu», — upeŭniena prahramny dyrektar «Aŭtaradyjo».
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny23
Kamientary