Zdareńnie adbyłosia 8 červienia. Mužčyna rybačyŭ u Babrujskim mikrarajonie Kisialoŭka la miascovaha vadajoma na adlehłaści 10 mietraŭ ad pravadoŭ ŁEP i zanadta nabliziŭ vudzilna da pravadoŭ, paviedamlaje RUP «Mahiloŭenierha».
Pa słovach vidavočcaŭ, u hety momant jany pačuli chłapok i pabačyli, jak na mužčynu zaharełasia adzieńnie. Jon zdoleŭ samastojna adyści ad miesca zdareńnia, jamu dapamahli patušyć vopratku, što hareła, i vyklikali chutkuju dapamohu.
Ciapier mužčyna znachodzicca ŭ reanimacyjnym adździaleńni Babrujskaj haradskoj balnicy chutkaj miedycynskaj dapamohi.
«Mahiloŭenierha» padkreślivaje, paviedamlajučy pra trahičny vypadak, što za 15 mietraŭ ad miesca zdareńnia na žalezabietonnaj stojcy ustanoŭleny papieradžalny płakat ab niebiaśpiecy rybnaj łoŭli ŭ hetym miescy, jaki byŭ paviernuty nadpisam da paciarpiełaha.
Kamientary