U rasijskim Minpramhandli zajavili, što rasijskaja niabielenaja ofisnaja papiera maje pieravahi pierad zamiežnaj biełaj: nibyta ajčynnaja pradukcyja bolš ekałahičnaja z-za adsutnaści chłoru i navat karysnaja dla vačej čałavieka za košt svajho koleru i faktury.
Pa słovach namieśnika ministra pramysłovaści i handlu Aleha Bačarova, biełaja papiera, adśviečvajučy, škodzić zdaroŭju.
Čynoŭnik adznačyŭ, što niekatoryja rasijskija fabryki ŭžo adaptavalisia da adsutnaści finskich chimikataŭ dla adbielvańnia celułozy. Ciapier sabiekošt pradukcyi padaje, a spažyviecki popyt na jaje raście.
«Tamu ličym, što heta byŭ surjozny manieŭr celułozna-papiarovymi kambinataŭ», — dadaŭ Bačaroŭ.
U sakaviku ŭ Rasii ŭźnik vostry deficyt krejdavanaj papiery, jakuju vykarystoŭvajuć dla časopisaŭ i knih z kalarovymi ilustracyjami. Paśla ŭvodu rasijskich vojskaŭ na Ukrainu ab prypynieńni pracy ŭ Rasiei abviaścili bujnyja pastaŭščyki krejdavanaj papiery: finska-šviedskaja kampanija Stora Enso, finskaja UPM, Sappi, polska-šviedskaja Arctic Paper.
Kamientary
u krajnim vypadku - u chadu znoŭ pojduć haziety z łozunhami dy partretami kramloŭska-bunkiernych pravadyroŭ.