Sioleta davoli chutka i rezka zakončyŭsia siezon studenckaha ažyjatažu na staličnym rynku arendy kvater. Maksimalnaja aktyŭnaść nazirałasia tolki ŭ druhoj pałovie žniŭnia i ŭ pieršyja dźvie dekady vieraśnia.
Sioleta davoli chutka i rezka zakončyŭsia siezon studenckaha ažyjatažu na staličnym rynku arendy kvater. Maksimalnaja aktyŭnaść budučych kvatarantaŭ nazirałasia tolki ŭ druhoj pałovie žniŭnia i ŭ pieršyja dźvie dekady vieraśnia.
Tady maksimalny košt adnapakajovych kvater uzdoŭž pieršaj linii mietro dasiahaŭ 250—300 dalaraŭ.
Adnapakajoŭki —minus 50 USD
A voś u apošni tydzień vieraśnia popyt na ŭsie typy minskich kvater istotna zniziŭsia, tamu arenda i pačała tańnieć. Zaraz košt arendy standartnych adnapakajovych kvater stabilna vahajecca ŭ miežach 200 dalaraŭ plus kvartpłata. U samych lepšych miescach uzdoŭž pieršaj linii mietro adnapakajovyja kvatery taksama patańnieli na 50 dalaraŭ, tamu i kaštujuć siońnia da 250 «zialonych».
Pavodle infarmacyi načalnika adździeła arendy žylla staličnaha ahienctva «Čas pik» Siarhieja Kadoły, na rynku ciapier isnuje davoli vialiki vybar samych roznych pa jakasci kvater. Kožnamu klijentu prapanujecca adrazu niekalki dziasiatkaŭ varyjantaŭ. Usio čaściej na rynak traplajuć kvatery, całkam padrychtavanyja dla kamfortnaha pražyvańnia. Heta adnapakajoŭki ź jakasnaj meblaj i sučasnymi televizaram, chaładzilnikam i pralnaj mašynaj. Takija «ŭpakavanyja» adnapakajoŭki zdajucca nie tańniej jak za 250—300 dalaraŭ.
Košt standartnych dvuchpakajovak upeŭniena spyniŭsia na miažy 220—280 dalaraŭ. Cennik trochpakajovych kvater pačynajecca z 300 dalaraŭ plus kvartpłata. Sapraŭdy jakasnyja trochpakajovyja kvatery zdajucca ŭ arendu za 350—400 dalaraŭ.
Pieryfieryja krychu tańniejšaja
Apošnim časam klijenty ahienctvaŭ nieruchomasci pačynajuć zakazvać sabie žyllo nie ŭ samim miehapolisie, a pobač sa stalicaj. Dobrym popytam karystajucca kvatery ŭ novych damach u Baraŭlanach, Hatavie, Ždanovičach i ŭ inšych nievialikich haradkach i haradskich pasiołkach. Košt arendy žylla ŭ hetych nasielenych punktach nabližajecca siońnia da staličnaha cennika i mienšy za apošni tolki na 10—30 dalaraŭ. Tańniej za ŭsio tut prapanoŭvajucca tolki šmatpakajovyja kvatery ź vialikimi płoščami. Tak, naprykład, zaraz u Baraŭlanach zdajecca pustaja čatyrochpakajovaja kvatera za 250 i vialikaja trochpakajoŭka za 220 dalaraŭ. A voś popyt na sapraŭdy vialikija kvatery tut minimalny.
U nievialikich haradkach‑spadarožnikach možna adšukać adnapakajovuju kvateru i za 150 dalaraŭ, adnak nieabchodna budzie zrabić pieradapłatu minimum za 8—12 miesiacaŭ.
Pakoi — vielmi doraha
Mienavita ŭ vierasni maksimalnym popytam pačali karystacca asobnyja pakoi ŭ šmatpakajovych žyłych damach. Siońnia minimalny košt takoha asobnaha pamiaškańnia składaje 100—150 dalaraŭ. Takija pakoi prapanoŭvajucca z usioj nieabchodnaj meblaj i bytavoj technikaj. Žyllo takoj katehoryi zdymajuć hałoŭnym čynam studenty i siezonnyja rabotniki bujnych rynkaŭ.
Patańnieńnie płanujecca ŭ listapadzie
Ekśpierty rynku arendy amal całkam upeŭnienyja, što ŭ kastryčniku minimalnyja ceny na arendu kvater zachavajucca na siońniašnim uzroŭni. Adnak z pačatkam aciaplalnaha siezona na rynak pavinna trapić jašče adna katehoryja kvater, jakija vosieńniu nie znajšli svaich novych haspadaroŭ pa linii kupli‑prodažu ŭ spalnych rajonach i ŭ zusim novych damach maładych mikrarajonaŭ. Śpiecyjalisty prahnazujuć, što da śniežnia košt adnapakajovak moža znizicca da 180—170 dalaraŭ, a dvuchpakajoŭki buduć prapanoŭvacca za 230—250 dalaraŭ. Prykładna kala 250 dalaraŭ tady budzie kaštavać i arenda ŭsich šmatpakajovych kvater siaredniaha kłasa jakasci.
Kamientary