Zołatavalutnyja reziervy Biełarusi vyraśli za vierasień na 39 młn dalaraŭ
Na 1 kastryčnika ZVR krainy pieravysili 7,5 młrd dalaraŭ u ekvivalencie, paviedamlaje Nacbank, to-bok za vierasień jany vyraśli na 0,5%.
Mižnarodnyja reziervovyja aktyvy ŭ paraŭnańni z pakazčykam miesiačnaj daŭniny pavialičylisia na 39,2 młn dalaraŭ. Adnak uzroŭniu 1 žniŭnia pakul dasiahnuć nie ŭdałosia — tady abjom ZVR Biełarusi składaŭ 7,56 młrd dalaraŭ.
Da 1 studzienia 2023 hoda abjom mižnarodnych reziervovych aktyvaŭ pavinien być nie mienšym za 7 młrd dalaraŭ z ulikam pahašeńnia ŭradam unutranych i źniešnich abaviazacielstvaŭ krainy. Heta prapisana ŭ asnoŭnych napramkach dziaržaŭnaj kredytna-hrašovaj palityki na 2022 hod.
ZVR składajucca z zapasaŭ kaštoŭnych mietałaŭ i kamianioŭ, śpiecyjalnych pravoŭ zapazyčańnia ŭ MVF, reziervovaj pazicyi Biełarusi ŭ hetym fondzie i valutnych reziervaŭ.
Kamientary