Jak vyhladajuć adnapakajoŭki z samym tannym mietram u Minsku
Časam u samych tannych kvaterach u Minsku jość padvoch: kali pahladzieć na canu za kvadratny mietr, to atrymlivajecca nie tak užo i tanna. Realt.by vyrašyŭ abapiracca mienavita na košt «kvadrata» i znajšoŭ adnapakajoŭki pa canie tańniej za 1100 dalaraŭ za mietr. Jak jany vyhladajuć i kolki kaštujuć?
Vulica Ubareviča (Zavodski rajon)
Kvatera mieścicca ŭ piacipaviarchovym domie 1967 hoda pabudovy na Ubareviča, 140. Adnapakajoŭka znachodzicca na druhim paviersie i zajmaje 35,5 kvadratnaha mietra, kuchnia — 6,2 m².
Kapitalny ramont pravodzili ŭ domie ŭ 2012 hodzie. Pradajecca adnapakajoŭka z asobnym žyłym pakojem. Na padłozie ŭ kvatery lažyć linoleum. Jość zašklony bałkon i raździelny sanvuzieł.
Dom znachodzicca niedaloka ad parku i Čyžoŭskaha vadaschovišča.
Kvadratny mietr kaštuje 1070 dalaraŭ. U vyniku kvatera abyjdziecca ŭ 38 tysiač dalaraŭ.
Vulica Čyrvonasłabodskaja (Zavodski rajon)
Kvatera znachodzicca na Čyrvonasłabodskaj, 15/2 u dzieviacipaviarchoŭcy na pieršym paviersie. Dom byŭ uźviedzieny ŭ 1977 hodzie. Ahulnaja płošča adnapakajoŭki — 34,9 kvadratnaha mietra, kuchnia zajmaje 7,6 m².
Kvatera padrychtavanaja da ramontu. U joj jość asobny žyły pakoj i raździelny sanvuzieł. Adnapakajoŭka idzie biez bałkona.
Pobač z domam jość zialonaja zona, Čyžoŭskaje vadaschovišča i zaapark.
Kvadratny mietr kaštuje 1060 dalaraŭ. Kvateru acanili ŭ 37 tysiač dalaraŭ. Ale košt jašče moža źnizicca, bo ŭładalniki hatovyja da handlu.
Vulica Ilimskaja (Zavodski rajon)
Na Ilimskaj, 21 pradajecca kvatera na apošnim paviersie dzieviacipaviarchovika 1986 hoda pabudovy. Ahulnaja płošča abjekta — 39,1 m² z kuchniaj ŭ 7 m².
Kvatera znachodzicca ŭ vydatnym stanie, što dazvalaje zasialicca adrazu paśla pakupki. Tut jość raździelny sanvuzieł i zašklony bałkon. Na padłozie lažyć łaminat.
U rajonie šmat zialonych zon. Pobač jość praduktovaja krama i apteka.
Košt kvadratnaha mietra — 1061 dalar. Košt kvatery — 41 500 dalaraŭ.
Vulica Lucynskaja (Frunzienski rajon)
U dzieviacipaviarchoŭcy na Lucynskaj, 29 pradajecca kvatera na pieršym paviersie. Jaje ahulnaja płošča — 42,8 kvadratnaha mietra, kuchnia — 9 «kvadrataŭ».
Kvatera patrabuje ramontu. U joj jość zašklonaja łodžyja i raździelny sanvuzieł. Taksama za adnapakajoŭku zamacavana miesca ŭ sklepie.
U paŭhadzinie chady ad doma znachodzicca zakaźnik «Lebiadziny».
Kvatera kaštuje 45 900 dalaraŭ. Atrymlivajecca, što kvadratny mietr aceńvajuć u 1072 dalara.
Vulica Kazinca (Kastryčnicki rajon)
Kvatera pradajecca pa adrasie Kazinca, 76 u dzieviacipaviarchovym domie 1976 hoda pabudovy na šostym paviersie. Kapramont tam pravodzili ŭ 2015 hodzie. Ahulnaja płošča abjekta — 42,2 kvadratnaha mietra, kuchnia — 7,1 m².
Kvatera maje patrebu ŭ ramoncie. U adnapakajoŭcy jość dźvie zašklonyja łodžyi, raździelny sanvuzieł. Taksama majecca harderobnaja. Na padłozie lažyć łaminat.
Pobač pralahaje ekałahičnaja ściežka i vadaschovišča Łošyca.
Košt kvadratnaha mietra — 1007 dalaraŭ. Košt kvatery — 42 500 dalaraŭ.
Vulica Viełozavodskaja (Leninski rajon)
U dvuchpaviarchovym domie 1949 hoda pabudovy na Viełazavodskaj, 2 pradajecca kvatera ahulnaj płoščaj 43,7 m². Kuchnia zajmaje 5,9 m². Adnapakajoŭka raźmiaščajecca na 2-m paviersie.
Pavodle infarmacyi z abjavy, kapramont u domie pravodzili ŭ 1983 hodzie. Stoli ŭ stalincy dasiahajuć amal 3 mietraŭ. U kvatery zrobleny niadrenny ramont, jość adkryty bałkon i raździelny sanvuzieł. U kuchni hazavaja kałonka.
Pobač z domam jość Antonaŭski park.
Cana kvadratnaha mietra samaja nizkaja ŭ hetaj padborcy — 950 dalaraŭ. Sama kvatera kaštuje 41 500 dalaraŭ.
Kamientary