Vyviaržeńnie vułkana ŭ Cichim akijanie stała samym mahutnym u historyi
Vybuch vułkana z nazvaj Chunha Tonha-Chunha Chaapaj byŭ ekvivalentny sotniam atamnych bombaŭ.
Navukoŭcy vyjavili, što vyviaržeńnie padvodnaha vułkana ŭ rajonie Tonha — cichaakijanskaj dziaržavy ŭ Paliniezii — stała samym mahutnym z kali-niebudź zafiksavanych sučasnym abstalavańniem.
Vyviaržeńnie adbyłosia jašče ŭ studzieni. Vybucham vykinuła kala dziesiaci kubičnych kiłamietraŭ kamianioŭ i popiełu, što adpaviadaje prykładna 4 000 jehipieckim piramidam. Jon byŭ nastolki hučnym, što byŭ čuvać na Alascy, jakaja znachodzicca dalej za 9 500 km. Vułkan vykinuŭ haz i popieł amal u kosmas, vykinuŭšy ich na 55 km u miezaśfieru, vyšej za strataśfieru Ziamli.
Vułkan vyviarhaŭsia ź siłaj, ekvivalentnaj sotniam atamnych bombaŭ, vyklikaŭšy cunami, jakoje ablacieła ŭvieś śviet z chvalami, zafiksavanymi navat u Mižziemnym mory. Na navakolnych astravach byli razburanyja damy, plažnyja kurorty zmytyja, minimum šeść čałaviek zahinuli, dvoje ź ich — u Pieru.
Vyviaržeńnie źmianiła abličča dna akijana. Navukoŭcy vyjavili, što kolkaść vykinutaha vułkanam materyjału ekvivalentnaja 2,6 miljonam basiejnaŭ alimpijskaha pamieru.
Vyviaržeńnie vułkana Chunha Tonha-Chunha Chaapaj paraŭnoŭvajecca z vyviaržeńniem Krakatau ŭ Indaniezii ŭ 1883 hodzie, u vyniku jakoha zahinuli dziasiatki tysiač čałaviek. Šlejf popiełu, jaki vyjšaŭ z vułkana, utrymlivaŭ amal dva kubičnyja kiłamietry čaścic, jakija zastavalisia ŭ atmaśfiery miesiacami, vyklikajučy zachaplalnyja zachody sonca navat u Novaj Ziełandyi. Kratar vułkana ciapier na 2 300 futaŭ hłybiejšy, čym raniej, paviedamlaje The Telegraph.
Patoki łavy, vułkaničnaha popiełu i hazaŭ, tempieratura jakich dasiahaje 1 000 °C pieranieśli śmiećcie z vułkana ŭzdoŭž marskoha dna jak minimum na 80 km. U pryvatnaści, byŭ razarvany padvodny kabiel, jaki złučaje Tonha z astatnim śvietam, niahledziačy na toje, što kabiel znachodziŭsia za 48 km ad vułkana i za vialikim uzvyššam na marskim dnie.
Kamientary
supadaje z datami padziej va Ukrainie...