«Ja adpraviŭ vam svoj numar, hetaha niedastatkova?» Jak machlary prykidvalisia Lavonam Volskim
Biełaruski psichołah Natalla Skibskaja, jakaja žyvie ŭ Varšavie, sutyknułasia ź niezvyčajnymi machlarami. Niechta, nazvaŭšysia Lavonam Volskim, paprasiŭsia ŭ sacsietkach u siabry da žančyny i staŭ joj napisvać.
Pierapiska Skibskaj ź iłže-Volskim praciahvałasia paru dzion. Pačałasia jana pa jaho inicyjatyvie. «Sam padpisaŭsia na mianie. Pierapisvaŭsia sa mnoj na biełaruskaj movie, usio jak pryniata. Padziakavaŭ, što ja słuchaju jaho muzyku, i spytaŭ, ci była na jaho kancertach».
Na druhi dzień hety čałaviek, z akaŭntam na paru padpisantaŭ, dasłaŭ Natalli paviedamleńnie, pa hramatycy jakoha było vidać, što tekst pierakładzieny ŭ Google Translate.
«Kali ja spytała ŭ jaho, navošta jon usio heta robić, toj pierajšoŭ na ahresiju: maŭlaŭ, chto ty takaja, ja ciabie ŭvohule nie viedaju. Nu i zaŭvažyła, jak jon źviartaŭsia da mianie na «ty», bo biełarusy, napeŭna, razmaŭlajuć z bolšaj pavahaj. Spačatku ja padumała, što heta niejki prapahandon ci kadebešnik, ale jany i to lepš pierakłali b svaju pierapisku na biełaruskuju movu».
Psieŭda-Volski vioŭ siabie zusim nie pa-intelihiencku. Nastojliva prasiŭ, kab Natalla napisała jamu ŭ vatsapie, i navat dasłaŭ joj svoj numar telefona, adnak jon čamuści akazaŭsia tajskim, potym prapanoŭvaŭ pierajści kamunikavać u Google Chat — jak paličyła Skibskaja, tak lahčej pierakładać u Google Translate.
«Mianie ździviła, što čałaviek padyšoŭ da spravy z painfarmavanaściu, razabraŭsia, chto taki Lavon Volski», — dzielicca Skibskaja.
Paźniej žonka Volskaha paćvierdziła, što heta fejkavy akaŭnt artysta.
Meta aktyŭnaści machlara tak i zastałasia dla Natalli nieviadomaj. Ale ŭ kamientarach ludzi pišuć, što taki vypadak — nie pieršy.
«Naša Niva» — bastyjon biełaruščyny
PADTRYMAĆ«Heta novaja norma». Jak sacsietki źmianiajuć mozh padletkaŭ — navukovaje daśledavańnie
Tinder budzie padkazvać, jak paźbiehnuć «ramantyčnaha» machlarstva
«Prynosić cacku ŭ zubach, jak sabaka». Jak žyvie kot ź niezvyčajnaj chvarobaj
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli1
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać1919
Kamientary