Pad Maryupalem była pierastrełka miž roznymi rasijskimi čaściami. Ukrainskija ŭłady kažuć pra 11 zahinułych
U akupavanym siale Urzuf pad Maryupalem 11 žniŭnia adbyłasia pierastrełka z udziełam kadyraŭcaŭ i kamiendantury Urzufa, śćviardžajuć ukrainskija resursy.
Maryupalskaja haradskaja rada paviedamlaje, što, pavodle ich infarmacyi, zahinuli nie mienš za 4 vajskoŭcy. Jość zahinułyja i paranienyja siarod hramadzianskaha nasielnictva.
Haradskaja rada vykłała karotkaje videa ź miesca zdareńnia.
Daradca mera Piatro Andruščanka piša, što padčas kanfliktu kadyraŭcaŭ ź miascovaj vajskovaj kamiendaturaj jany pačali zryvać pahony adzin adnamu i ŭźnikła pierastrełka.
Jon paviedamlaje pra achviary taksama siarod cyvilnaha nasielnictva.
«Viadoma pra dźviuch zahinułych dziaŭčynak-padletkaŭ, čatyroch chłopcaŭ i žančynu», — dadaŭ Andruščanka.
Bolš padrabiaznaściaŭ nie pryvodzicca.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary