Biełarusu admovili ŭ palityčnym prytułku ŭ Małdovie, bo «niama dokazaŭ, što ŭ Biełarusi parušajuć pravy čałavieka»
Historyju Arcioma (imia źmienienaje), jaki zjechaŭ ź Biełarusi ŭ 2020 hodzie i apošni hod žyvie ŭ Małdovie, raskazvaje «Radyjo Svaboda» sa spasyłkaj na małdoŭskuju słužbu. Mužčyna spadziavaŭsia realizavacca prafiesijna ŭ śfiery kultury, ale niadaŭna jamu admovili ŭ prytułku.
Pavodle słoŭ Arcioma, jon padtrymlivaŭ pratesny ruch u sacsietkach, a taksama padpisaŭ list dziejačaŭ kultury, jakija vystupili suprać režymu Łukašenki, patrabavali spynić hvałt i arhanizavać novyja vybary. Prykładna praź miesiac jaho zvolnili pavodle artykuła «Strata davieru».
U Małdovie biez daviedki pra niesudzimaść jon nie moža pracavać aficyjna, biez apastylavańnia dypłoma nie moža praciahvać navučańnie. Pavodle Arcioma, jon navat nie zmoh adkryć bankaŭski rachunak u Małdovie, a pierasyłać hrošy z-za miažy jamu mohuć tolki na bankaŭskija karty ludziej, jakim jon daviaraje.
Niadaŭna Arciomu admovili ŭ palityčnym prytułku. Pavodle jahonych słoŭ, pradstaŭniki MUS zajavili, što niama dokazaŭ taho, što ŭ Biełarusi parušajuć pravy čałavieka.
Ciapier Arciom zadumaŭsia ab viartańni ŭ Polšču, dzie niekatory čas žyŭ pierad pryjezdam u Małdovu: «U mianie niama resursaŭ praciahvać hetuju vajnu z MUS Małdovy».
U Inśpiektaracie mihracyi Małdovy «Radyjo Svaboda» paviedamili, što razhladajuć 23 prašeńni ab vydačy prytułku dla hramadzian Biełarusi. U 2021 hodzie jany atrymali adno takoje prašeńnie, u 2022 hodzie — 16, a ŭ 2023-m — 10.
«U adnym vypadku było pazityŭnaje rašeńnie ab nadańni mižnarodnaj abarony, u dvuch vypadkach admovili, u troch vypadkach ludzi sami admovilisia ad pracedury nadańnia prytułku», — raskazali ŭ Inśpiektaracie.
Kamientary
Vyhodnieje vsieho połučať pierievody čieriez Western Union v lubom MAIBie (prosto po pasportu). Tolko za pierievodom łučšie prichodiť s utra. Valutu zavoziat s utra, pośle obieda obyčno jejo niet.
Ili oni sčitajut, čto Jevrosojuz - eto miesto, hdie možno połučať dieńhi i nie imieť hranic?