«Svabodnuju i demakratyčnuju Biełaruś buduć vitać u siamji jeŭrapiejskich dziaržaŭ». Niamiecki Bundestah pryniaŭ rezalucyju pa Biełarusi
U niamieckim Bundestahu adbylisia debaty, padčas jakich była pryniata rezalucyja «Za demakratyčnuju Biełaruś u jeŭrapiejskaj siamji». Pierad tym pierad Kamitetam pa mižnarodnych spravach vystupiła Śviatłana Cichanoŭskaja.
U tekście rezalucyi adznačajecca:
«Niamiecki Bundestah ćviorda staić na baku ŭsiaho biełaruskaha demakratyčnaha ruchu, Śviatłany Cichanoŭskaj i ŭznačalenaha joj Abjadnanaha Pierachodnaha Kabinieta. Biełarusy pavinny viedać, što svabodnuju i demakratyčnuju Biełaruś buduć vitać u siamji jeŭrapiejskich dziaržaŭ».
Parłamient Hiermanii pryvitaŭ abmiežavalnyja miery, što ŭžo ŭviedzieny suprać łukašenkaŭskaha režymu, i zaklikaŭ fiederalny ŭrad praciahvać cisk.
U toj ža čas u rezalucyi skazana, što Hiermanija paspryjaje raźvićciu biełaruskaj niezaležnaj presy, demakratyčnych instytutaŭ i hramadzianskich inicyjatyvaŭ. Akramia taho, uchvalajecca dapamoha i reabilitacyja palitviaźniaŭ dy asobaŭ, paciarpiełych ad represij.
Asobnaja ŭvaha ŭ rezalucyi pryśviečanaja jurydyčnym pytańniam, ź jakimi zaraz sutykajucca biełarusy ŭ vyhnańni. Śćviardžajecca, što Bundestah budzie spryjać vyrašeńniu prablemaŭ biełarusaŭ z dakumientami.
Čytajcie taksama:
Bundestah Hiermanii abmiarkuje jeŭrapiejskija pierśpiektyvy dla Biełarusi
Kamientary