Palicyja šukaje dvuch čałaviek, jakija źjechali na čornym matacykle Yamaha.
Ispanski palityk Alecha Vidal-Kuadras byŭ paranieny ŭ vyniku ataki ŭ Madrydzie: jak paviedamili ŭ miascovaj palicyi, u čaćvier u tvar suzasnavalnika ultrapravaj partyi Vox streliŭ nieviadomy, piša Deutsche Welle.
78-hadovy Vidal-Kuadras byŭ u prytomnaści, kali jaho dastavili ŭ balnicu, ciapier jaho žyćcio pa-za niebiaśpiekaj. Palicyja šukaje dvuch čałaviek, jakija źjechali na čornym matacykle Yamaha. Jak paviedamlajecca, na strałku byŭ šlem.
Pryčyny napadu pakul nieviadomyja, palicyja nie vyklučyła rabavańnie i pačała rasśledavańnie. Pry hetym zamach adbyŭsia na fonie biesparadkaŭ i akcyj pratestu ŭ Madrydzie z udziełam prychilnikaŭ pravych i ultrapravych partyj. Demanstranty vystupajuć suprać płanaŭ v.a. abaviazki premjer-ministra Piedra Sančesa amnistavać katałonskich sieparatystaŭ.
Ispanskija kansiervatary i ultrapravyja suprać Sančesa
Vidal-Kuadras byŭ staršynioj kansiervatyŭnaj Narodnaj partyi Ispanii ŭ Katałonii ŭ 1990-ch hadach. Z 1999 pa 2014 hod jon zajmaŭ pasadu vice-staršyni Jeŭraparłamienta, a ŭ 2013-m staŭ adnym z zasnavalnikaŭ pravaekstremisckaj partyi Vox, adnak chutka pakinuŭ hetuju partyju paśla niaŭdałaj sproby atrymać miesca deputata Jeŭraparłamienta ŭ 2014 hodzie.
Vox i kansiervatary rezka krytykujuć zakon ab amnistyi dla prychilnikaŭ niezaležnaści Katałonii. U abmien na hety zakon sieparatysty padtrymlivajuć farmiravańnie novaha ŭrada na čale z sacyjalistam Sančesam. Heta aznačaje, što jon zmoža zastacca na pasadzie premjera, navat niahledziačy na parazu na niadaŭnich parłamienckich vybarach.
Vidal-Kuadras na praciahu mnohich hadoŭ nie vyjaŭlaŭ palityčnaj aktyŭnaści, ale praciahvaŭ vystupać publična ŭ jakaści kamientatara i ahladalnika ŚMI.
Za niekalki hadzin da napadu jon apublikavaŭ post na płatformie X (raniej Twitter), u jakim rezka raskrytykavaŭ pahadnieńnie ab amnistyi pamiž Ispanskaj sacyjalistyčnaj rabočaj partyjaj, jakuju ŭznačalvaje Sančes, i katałonskaj sieparatysckaj partyjaj. Vox i kansiervatary ŭžo niekalki tydniaŭ arhanizujuć masavyja pratesty suprać zakona ab amnistyi i suprać Sančesa.
Kamientary