Žychar Adesy, jaki zhubiŭ siamju ŭ vyniku ŭdaru rasijskaha dronu, raskazaŭ pra trahiedyju i jaje ŭspryniaćcie
U noč na 2 sakavika Rasija atakavała Adesu bieśpiłotnikami. Siem ź ich atrymałasia źbić, a adzin trapiŭ u dzieviacipaviarchovik u spalnym rajonie horada. U vyniku ataki zahinuli 12 čałaviek, siarod ich piaciora dziaciej.
Siarhiej Hajdaržy straciŭ žonku Hannu i 4-miesiačnaha syna Cimafieja. Mužčyna źjaŭlajecca členam baptysckaj abščyny Adesy. Pra trahiedyju jon raskazaŭ viernikam.
Mužčyna zhadvaje, što trahiedyja adbyłasia ŭ noč ź piatnicy na subotu a pałovie druhoj nočy. Siarhiej kaža, što zvyčajna jon zasynaŭ sa starejšaj dačkoj, a paśla žonka klikała jaho da siabie, ale ŭ noč udaru hetaha nie adbyłosia.
U kvatery, dzie žyła siamja Hajdaržy, ad udaru bieśpiłotnika źniesła dva pakoi. Zastaŭsia dziciačy pakoj, dzie spaŭ Siarhiej z dačkoj.
«My šmat razoŭ havaryli pra toje, kab Hospad usich nas razam zabraŭ», — kaža mužčyna. Ale hetaha nie zdaryłasia. Zahinuła tolki jahonaja žonka ź dziciem.
Pa słovach mužčyny, jon vielmi pieražyvaŭ, kab žonka i syn zahinuli biez pakut. I ekśpierty paćvierdzili jaho nadziei. «Heta adbyłosia vielmi chutka, i jany nie pakutavali. Dla mianie heta było vielmi važna», — skazaŭ Siarhiej.
Zdymak Hanny Hajdaržy z synam raźmiaściŭ u svaim dopisie ŭ fejsbuku Maksim Hałkin.
Čytajcie jašče:
U Adesie ad udaru drona zahinuła siamja z tryma dziećmi. Usiaho 12 achviar
U vyniku novaj ataki dronaŭ jość achviary ŭ Adesie i Charkaŭskaj vobłaści
Kamientary
Miežy Ukrainy byli pryznanyja ŭ 1991 hodzie ŭ tym liku i rasijaj. I toje, što Ukraina musić viarnuć sabie Krym - hetaha paprostu vymahaje samaja zvyčajnaja spraviadlivaść - nielha biespakarana kraści i zachoplivać čužoje.