Na scenie staličnaha kłuba «Reaktar» 3 lutaha adbudziecca vialiki solny kancert monstraŭ ajčynnaha rytm‑end‑bluzu hurta «Krama».
Pavodle słovaŭ frantmena hurta Ihara Varaškieviča, trek‑list kancertu składziecca z chitoŭ i adnoj novaj pieśni. Aproč taho, telekanał STV prapanavaŭ «Kramie» źniać vystup u «Reaktary» na videa, paśla čaho pavinien źjavicca kancertny albom hurta:
«Ja spadziajusia, što ŭsio budzie dobra, tamu što ŭ nas zaŭsiody ŭźnikajuć prablemy sa zdymkaj kancertaŭ, pačynajučy z 1996‑ha hoda, pra što ja nieadnarazova kazaŭ.Aŭdyjotrek da «reaktarskaha» kancertu ŭ nas całkam padrychtavany. Chočacca vieryć, što hety kancert STV zdymie, bo precedent byŭ — kancert «Niejra Dziubiela». U budučym my vypuścim videa‑dysk», skazaŭ Varaškievič.
U žniŭni Varaškievič źbirajecca adśviatkavać svoj 50‑hadovy jubilej, tamu, z hetaj nahody, na dumku muzyki, «Krama» pavinna paradavać svaich fenaŭ novym albomam.
Kamientary