Pra heta Mieŭlut Čavušahłu zajaviŭ padčas svajoj pieršaj pres-kanfierencyi.
Novy staršynia Parłamienckaj asamblei Rady Jeŭropy Mieŭlut Čavušahłu, abrany na hetuju pasadu 25 studzienia, spadziajecca, što ŭ 2010 hodzie biełaruskamu parłamientu budzie viernuty status śpiecyjalnaha zaprošanaha ŭ PARIE.
«Biełaruś — heta adzinaja kraina na jeŭrapiejskim kantyniencie, jakaja nie źjaŭlajecca čalcom Rady Jeŭropy», — zajaviŭ jon siońnia na svajoj pieršaj pres‑kanfierencyi ŭ Strasburhu.
Nahadajem, u červieni 2009 hoda PARIE pryniała rezalucyju ab viartańni Biełarusi statusu śpiecyjalnaha zaprošanaha ŭ asamblei pry ŭmovie ŭviadzieńnia ŭ krainie maratoryju na śmiarotnuju karu.
Pradstaŭnik Turcyi ŭpieršyniu abrany staršynioj Parłamienckaj asamblei Rady Jeŭropy. Raniej jaje ŭznačalvaŭ ispaniec Łuis Maryja de Puč.
Kažučy ab svajoj pracy na novaj pasadzie, Čavušahłu zaznačyŭ, što budzie nadavać asablivuju ŭvahu pytańniam abarony kaštoŭnaściaŭ PARIE i pravoŭ čałavieka, a taksama reformie Rady Jeŭropy i Jeŭrapiejskaha suda pa pravach čałavieka.
***
Mieŭlut Čavušahłu naradziŭsia 5 lutaha 1968 hoda. U PARIE — z 2003 hoda. Z 2007 hoda źjaŭlaŭsia staršynioj tureckaj delehacyi ŭ PARIE i adnačasova namieśnikam staršyni asamblei. Uvachodzić u hrupu «Jeŭrapiejskich demakrataŭ». Raniej pracavaŭ u kamitecie pa manitorynhu abaviazacielstvaŭ pierad Radaj Jeŭropy i ŭ pravavym kamitecie. Čavušahłu taksama byŭ dakładčykam pa prablemie hoładu na Ukrainie ŭ 1930‑ia hady.
Kamientary