Hienieralny sakratar AAN Antoniu Huteryš nakiravaŭ zaprašeńnie na imia Alaksandra Łukašenki dla ŭdziełu biełaruskaj delehacyi ŭ 3-j Kanfierencyi AAN dla krain, jakija raźvivajucca i taksama nie majuć vychadu da mora.
Forum płanujecca pravieści ŭ śniežni biahučaha hoda ŭ Batsvanie. Pra heta ŭ adkazie na pytańnie BiełTA zajaviŭ pres-sakratar MZS Biełarusi Anatol Hłaz.
«Hienieralny sakratar AAN Antoniu Huteryš nakiravaŭ adpaviednyja zaprašeńni na imia kiraŭnika našaj dziaržavy. I ŭ svaim pasłańni Alaksandr Łukašenka paćvierdziŭ našu cikavaść. Źviazany jon z tym, što jak Biełaruś, tak i inšyja krainy, jakija nie majuć vychadu da mora, sutykajucca z adnolkavymi vyklikami. Usie my vielmi ŭraźlivyja da dziejańniaŭ svaich susiedziaŭ — prymorskich dziaržaŭ. A Biełaruś jašče i ŭ poŭnaj miery na sabie adčuvaje nastupstvy niezakonnych dziejańniaŭ šerahu krain, jakija abmiažoŭvajuć praduhledžanaje Kanviencyjaj AAN prava našaj krainy na vychad da mora i tranzit», — skazaŭ pradstaŭnik MZS.
«Tamu, viadoma, my płanujem pryniać niepasredny ŭdzieł u hetaj kanfierencyi na ŭzroŭni kiraŭnictva MZS», — zajaviŭ Anatol Hłaz.
Na forumie Biełaruś maje namier «stroha pastavić» pytańnie ab prymusie šerahu dziaržaŭ da vykanańnia imi svaich mižnarodnych abaviazacielstvaŭ u ramkach dziejučych pravavych dakumientaŭ.
-
Na Hrodzienščynie vajskovyja kamisary adpravilisia vučyć sialan źbirać uradžaj
-
Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki
-
Mnohija rybaki dahetul łoviać sa śvincovym hruziłam. Ale śviniec mocna škodzić pryrodzie
Kamientary